Artistja, Rozana Radi ka rrëfyer betejën e vështirë për tu bërë nënë.
Banorja tregoi se si ishte shtatëzënë për herë të parë në moshën 35-vjeçare, megjithatë fati nuk i buzëqeshi dhe ai gëzim zgjati shumë pak. Por dëshira për të provuar mëmësinë ishte shumë e madhe dhe përpjekjet e Rozanës nuk përfunduan aty. Ajo ishte shtatëzënë sërish pas 3 muajsh, një shtatëzëni që nuk do ti kalonte 10 javë dhe “zemra e vogël e bebit nuk mund të rrihte më”.
Mirëpo Rozana nuk u ndal, edhe pse çdo përpjekje rezultoi në zhgënjim deri në pikën kur sapo kuptonte se ishte shtatëzënë, mundohej të qëndronte pa lëvizur se kishte frikë se do ta vriste prapë. Kur ky mision i jetës së saj për të pasur një fëmijë rezultoi i pamundur, Rozana vendosi të tërhiqej nga marrëdhënia me partnerin dhe t’i hapte rrugë dashurisë së saj të gjente gjysmën e tij diku tjetër. Sipas banores, ajo nuk mund të lejonte që njeriu i saj i zemrës të mbetej pa trashëgimtar, kështu që u largua nga shtëpia e tyre e përbashkët. Pa arritur të zgjidh keqkuptimet në çift, Rozana rrëfen se mori vendimin e vështirë për tu bërë pjesë e formatit të Big Brother VIP 4.
“Ndonjëherë duhet të themi edhe gjëra të pavërteta; të themi që nuk të dua, nuk ndjej më për ty, vetëm që ta shohësh të lumtur”- tha Rozana duke folur për raportin me partnerin, ndërsa u zotua se pavarësisht se nëse Shpëtimi e pret apo jo jashtë, ajo do bëjë ç’është e mundur për të bërë realitet ëndërrën e saj për të pasur një fëmijë.
Zoti më përplas në një barkë me partnerin tim të zemrës, Shpëtimin. Kemi qenë të dy 33-vjeç. Një dashuri shumë e madhe, me ulje dhe ngritje, ndarje të tjera dhe përsëri dashuri. Ikje dhe ardhje. Në moshën 35-vjeçare unë mbetem shtatëzënë. Gëzimi ishte shumë i madh, por gëzimi zgjati shumë pak. Nuk heqim dorë dhe provojmë sërish pas 3 muajsh, por nuk arrita të bëja dot 10 javëshe pasi zemra e vogël nuk rritet.
Mbaj mend një rrugëtim shumë të gjatë dhe të dhimbshëm. Shtatëzënia vinte dhe ne e humbnim prapë duke harxhuar vetëm para. Çdo gjë që unë bëja, e bëja për të pasur një fëmijë. Unë kisha filluar që sapo kuptoja se isha shtatëzënë, nuk lëvizja më. Kisha frikë se do ta vrisja prapë sepse i thoja vetes si mundem unë të mos i jap një fëmijë partnerit që nuk ma ka prishur për asgjë.
Ky është Big Brotheri i jetës time”- u shpreh Rozana në linjën e saj të jetës./E.P-dritare.net
