Pse e vranë Çajup Selimin? I penduari i drejtësisë tregon detaje
E Mërkurë 4 Qershor 2025, 19:07
Dritare.net
I penduari i drejtësisë, Artan Tafani, pjesë e grupit të Laert Haxhiut, ka dëshmuar sot në Gjykatën e Posaçme Antikorrupsion, duke treguar detaje për vrasjen e biznesmenit në 2018 në Tepelenë Çajup Selimi.
I pyetur nga prokurori Behar Dibra për arsyen e vrasjes së Selimit, ai tha se u vra pasi kishte pasur konflikte me Erisiano Abedinin, dhe sipas tij, i kishte ngacmuar nënën.
Pjesë nga dëshmia në GJKKO:
Tafani: Mora vesh nga Laerti se u vra pasi Erisiano kishte pas probleme dhe konflikte me të. Kishin pas sherr sepse Çajupi kishte ngacmuar nënën e Erisianos.
Duke qenë se Anterio Kaloshi dhe Orges Bilbili kishin rënë në burg, Laert Haxhiu kishte nevojë për njerëz e për mua.
Pas vrasjes së Çajupit shkova në Greqi dhe takova Laertin dhe Mario Dijamantin e Xhino Bajramin, në një vilë ku ishin me të dashurat./K.C/dritare.net
