I riu plagos 5 persona në Laç! Mes tyre edhe një grua që shiste qirinj!
E Shtunë 3 Maj 2025, 15:03
Dritare.net
Pesë persona kanë mbetur të plagosur në Laç. Dyshohet se bëhet fjalë për një sherr mes të rinjve, dhe njëri prej tyre ka qëlluar drejt një makine ku lëviznin 4 persona. Ndërkohë, e plagosur ka mbetur edhe një grua që shiste qirinj.
Policia e Kurbinit informoi zyrtarisht se të shtënat kanë ndodhur pas një sherri. I riu ka qëlluar me automatik dhe më pas është larguar nga vendi i ngjarjes. Blutë kanë arritur të identifikojnë autorin dhe po punohet për arrestimin e tij.
Emrat e të plagosurve: Angjelina Gjezaj, Amarildo Ndoj, Liridon Ismaili Daniel Gjeloshi dhe Geri Bitri.
Të pesë personat janë dërguar në spitalin e Traumës në Tiranë dhe mësohet se njëri prej tyre ndodhet në gjendje të rëndë shëndetësore dhe i është nënshtruar një operacioni.
Policia është duke marrë në pyetje dëshmitarë ndërsa autori është identifikuar dhe po punohet për kapjen e tij./L.F-dritare.net
