Mirela Kumbaro: Sot pasaporta më e famshme e Shqipërisë është turizmi!
E Mërkurë 28 Gusht 2024, 21:09
Dritare.net
Ministrja e Turizmit, Mirela Kumbaro mori pjesë në sesionin kushtuar diplomacisë dhe turizmit në Konferencën e Ambasadorëve Diplo 2024.
Në panelin e moderuar nga gazetarja Rudina Xhunga merrnin pjesë CEO i “Messe Berlin” Mario Tobias, kryebashkaku i Vlorës, Ermal Dredha, investitori Gëzim Olaj, si dhe promovuesi i turizmit Elton Caushi.
Gjatë fjalës së saj, ministrja u shpreh:
"Sot pasaporta më e famshme e Shqipërisë është turizmi. Shifrat e turistëve nuk janë rezultat vetëm i punës sonë por edhe transformimi i Shqipërisë, 10 vitet e fundit. Turizmi natyror po kthehet tani më një pikë kyçe, dhe afatgjatë. Sezoni turistik po ashtu këtë vit ka filluar më herët, numri i prenotimeve është rritur po ashtu me 30%. Kemi një strategji shumë ambicioze për Shqipërinë e 2030-ës, se ku duhet të përmirësohemi. Po shkojmë drejt turizmit elitar"./ M.K-dritare.net
