Alesia Balliu shpall kandidaturën për drejtimin e PD-së!
E Mërkurë 4 Qershor 2025, 18:06
Dritare.net
E ftuar në emisionin “Dekalog” nga Roland Qafoku në DritareTV, Alesia Balliu bëri publik vendimin e saj për të kandiduar për postin e kryetares së Partisë Demokratike, duke shpallur një betejë të hapur ndaj lidershipit aktual dhe duke i kërkuar Sali Berishës të largohet përfundimisht nga skena politike.
“Zoti Berisha është e shkuara, duhet ta pranojë këtë fakt. Duhet të dalë në pension. Partia Demokratike ka nevojë për të rinj me vizion që e çojnë përpara,” – deklaroi Balliu.
E pyetur nëse po jep një lajm për kandidaturën e saj, ajo e konfirmoi hapur:
“Pa diskutim që po. Alesia Balliu kandidate në garën për kryetare të Partisë Demokratike. Kam vizionin e duhur. Nuk kam frikë nga sfidat.”
Balliu tha se është e vetëdijshme për vështirësitë dhe për faktin që do të ketë të gjithë strukturat e partisë kundër, por theksoi se mbështetja e saj nuk vjen nga forume të mbyllura, por nga qytetarët, veçanërisht të rinjtë që kërkojnë ndryshim.
“Këto struktura, kryesisht të PDSH-së dhe grupit parlamentar që i ka vendosur Sali Berisha, nuk i do më populli. I ka skaduar koha politike. Ata mund të kenë mandat, por nuk shërbejnë për asgjë,” – u shpreh Balliu.
Duke denoncuar kompromiset që bëhen për E pyetur për sfidën përballë emrave të vjetër dhe forumeve të partisë, Balliu u shpreh qartë:
“Unë nuk garoj për 50 apo 200 njerëz nëpër struktura, por për mijëra qytetarë që më shkruajnë në Facebook, Instagram dhe TikTok. Mbështetja ime është te masa, te njerëzit e zakonshëm, jo tek individët që kanë dështuar prej 14 vitesh.”/K.C/dritare.net
