Adriatik Doçi: Mesazhe të koduara në intervistën e Ahmetajt!
E Hënë 5 Shkurt 2024, 20:08
Dritare.net
Gazetari Adriatik Doçi i ftuar në Shqip nga Dritan Hila në DritareTV tha se ish-zëvendëskryeministri i arratisur Arben Ahmetaj tha gënjeshtra në intervistën që dha për SyriTV, por edhe dërgoi disa mesazhe të koduara dhe kërcënuese për ish-shokët dhe kolegët e tij të partisë.
"Ka dy Arben Ahmetaj. Njëri para se të kuptonte goditjen që po i vinte nga SPAK-u dhe një personazh tjetër që po ndjek një strategji të caktuar për t’u mbrojtur, qoftë edhe duke gënjyer. Intervista kishte gënjeshtra, por edhe mesazhe të koduara kërcënuese ndaj ish-shokëve të tij të pushtetit dhe të partisë.", tha Doçi në DritareTV./K.C/dritare.net
