Mosmarrëveshjet me Dulen, Rama: Jemi miq, prandaj nuk shkojmë gjithnjë mirë

Pavarësisht përplasjeve të vazhdueshme, Kryeministri Edi Rama ka pranuar ftesën e Kryetarit të PBDNJ­së, Vangjel Dule dhe ka marrë pjesë në Kongresin e kësaj partie, që nisi punimet rreth orës 10:30 në Tiranë. Dule e Rama Rama ka përshëndetur takimin e PBDNJ­së, duke marrë fjalën në këtë kongres, duke treguat se pavarësisht problemeve, për partinë që ai drejton minoriteti ka qenë gjithnjë i afërt. “Pavaresisht momenteve te caktuara dhe konjukturave te caktuara qe na kane pare here me afer e here me larg, kemi qene prane se historikisht per PS, minoriteti ka qene i afert”­ tha Rama,duke shtuar se me Dulen janë miq sepse nuk shkojnë gjithnjë mirë.

Rama e nisi me fjalë të ngrohta e miqësore ndaj minoritarëve, por edhe vetë kreut të tyre, Vangjel Dules, me të cilin tha se e lidh një miqësi personale. “Motra dhe vëllezër minoritarë, i dashur Vangjel, i dashur dhe i pavdekshem Solis. Pavarësisht momenteve të caktuara, konjekturave që na kanë parë herë më afër herë më larg, në fakt ne kemi qenë përherë pranë. Historikisht për PS minoriteti ka qenë i afërt. PS ka të drejtë të krenohet për të gjithë solidaritetin që ka treguar në 25 vjet me popullin e minoritetit.

Ka gjëra që duhen bërë më mirë, sfida, probleme por e vërteta është që një fill i gjatë i pandërprerë miqësie e lidh PS me minoritetin. Kjo nuk është ndikuar nga pozicionet e ndryshme që ka zgjedhur në vite PBDNJ­ja, Ka një miqësi dhe vëllazëri që mua më lidh personalisht me kryetarin e PBDNJ­së dhe këtë e provon fakti që nuk shkojmë gjithmonë mirë. Po të mos ishim miq, patjetër që mund të kishim shkuar më mirë në një distancë diplomatike, por nuk kemi distancë diplomatike dhe kjo është gjë e mirë.”,­ tha ai.