Ministri Klosi: Vlerat e parqeve, shumë më të veçanta se dëshirat e një kryebashkiaku
SHKRUAR MË 27 Shtator 2019
Dritare.net
Kryebashkiaku i Tiranës, Erion Veliaj një ditë më parë kërkoi decentralizimin e lejeve mjedisore. Ndërkohë, kësaj deklarate i është përgjigjur edhe ministri i Turizmit dhe Mjedisit, Blendi Klosi. Gjatë një aktiviteti, Klosi u shpreh se, parqet kanë vlera të mëdha, dhe duhet të mbrohen.
“Ndryshimi i ligjit ka prishur shumë interesa, ka ndryshuar shumë rregulla. Është e vërtetë se vendosja e rregullit ka shkaktuar shumë probleme dhe ka prishur interesa. Por është e mirë që parqet që ka na falur Zoti t’i mbrojmë. Vlerat e tyre janë shumë më të veçanta se dëshirat e një kryebashkiaku, sepse duke qenë e bukur është shumë e lakmueshme. Duhen aktivitete që nuk dëmtojnë agroturizmin dhe natyrën. Ne vijojmë te bëjmë konkurrenca te brendshme, po nuk duhet t’i bëjmë këto konkurrenca.",- u shpreh Klosi./K.C/dritare.net
