Hudhra, për shkak të aromës dhe shijes, aktivizon gjëndrat tona të pështymës dhe ‘lëngjet’ e tretjes. Pa shije dhe pa nuhatje, stomaku jonë nuk do të ishte 'gati' për ushqim dhe ne do të kishim probleme me tretjen e ushqimit. Nëse vetëm përtypeni, keni anashkaluar plotësisht fazën e parë të tretjes sepse pa shije dhe pa nuhatjen, nuk keni stimuluar lëngjet e stomakut.
Disa nga përfitimet shëndetësore që marrim nga hudhra
Hudhra na sjell dobi të shumta, përveç tretjes. Hudhra është një burim i pasur komponimesh organosulfuri, të cilat janë përgjegjëse jo vetëm për shijen e athët dhe aromën, por edhe për shumë përfitime shëndetësore siç janë parandalimi dhe trajtimi i sëmundjeve kronike të tilla si kanceri, sëmundjet inflamatore dhe kardiovaskulare.
Ajo që duhet të dini është sesi aktivizohen këto komponime. Kur shtypni, grini apo copëtoni hudhrën, çlirohet një enzimë të njohur si ‘alliinase’. Kur kjo enzimë çlirohet apo ‘dëmtohet’ nga shtypja ose copëtimi i hudhrës, fillon të kthehet nga një komponim të quajtur ‘alliin’ në 'acide sulfenike’.
I njëjti reaksion ndodh edhe kur prisni qepën.
Kur acidet sulfenike hyjnë në reaksion me njëri-tjetrin tek hudhra, ata formojnë ‘allicin’ që shkakton erën e fortë që mbush kuzhinën tuaj.
Pra me pak fjalë, kur shtypni apo copëton i një hudhër të freskët, enzima ‘alliinase’ konverton ‘alliin’ në ‘allicin’.
Përfitimet kryesore nga konsumimi i hudhrës janë duke filluar nga përmirësimi i shëndetit kardiovaskular dhe qarkullimin e gjakut. Është vërejtur se hudhra ndalon mpiksjen e gjakut, redukton presionin në gjak dhe ruan nivelin e lipideve në gjak.
Hudhra zvogëlon gjithashtu rrezikun nga osteoartriti. Ajo ka veti antibakteriale, antivirale, dhe antimykut. Hudhra ndihmon gjithashtu në luftimin e qelizave kanceroze, në tru, mushkëri, gji, stomak dhe pankreas.
Si ta përdorni hudhrën
Duhet të dini se si ta përdorni hudhrën për të përftuar sa më shumë nga dobitë e saj. Ashtu siç nuk duhet ngrohur vaji i ullirit, edhe hudhra nuk duhet gatuar shumë dhe nuk duhet lejuar të bëhet kafe sepse i humbet vetitë. Hapi më i rëndësishëm që duhet të bëni, është ta shtypni ose copëtoni hudhrën dhe ta lini në temperaturë ambienti për 5-10 minuta që të fillojë çlirimi i enzimës që prodhon ‘allicin-ën’ e vlefshme. Nëse e hidhni direkt hudhrën e grirë në tigan, pa e lënë disa minuta, ky reaksion nuk ndodh. Pas çlirimit të allcin-ës, hudhra e grirë mund të gatuhet për rreth 10-15 minuta në temperaturë të vakët në mënyrë që të mos dëmtohet. Gjithsesi më e mira është të mos gatuhet fare. 5-15 minuta, keni një humbje minimale të vlerave ushqyese të hudhrës, 15-30 minuta, keni një humbje të moderuar të këtyre vlerave ndërsa mbi 45 minuta, këto vlera kanë humbur plotësisht.
Hudhra rekomandohet për ftohjet gripale, kollën, dhimbjet e fytit, tensionin e lartë, ul nivelet e kolesterolit LDL, ngordh parazitët, rregullon nivelin e sheqerit në gjak etj.
Përveç allcin-ës, hudhra është gjithashtu e pasur me mangan, kalcium, fosfor, vitaminë B6 dhe vitaminë C./dritare.net/