Kontakto redaksinë English
Na ndiqni edhe në
Na ndiqni në YouTube, në kanalin zyrtar të Dritare TV!

Ngjarjet e Ditës

Lulzim Basha: Ja çfarë do ta shpëtonte vendin

E Martë 2 Korrik 2019, 17:05

Dritare.net

Lulzim Basha: Ja çfarë do ta shpëtonte vendin
Kreu i Partisë Demokratike, Lulzim Basha nëpërmjet një reagimi në Facebook ka risjellë edhe njëherë raportin e OSBE/ODIHR në lidhje me zgjedhjet lokale, por që pritet të dalë i plotë pas dy muajsh.

Basha shkruan se raporti i ODIHR ishte i kujdesshëm për mos të acaruar situatën politike, ndërkohë që propozon se vetëm një ndryshim i thellë i politikës, kushtetutës dhe ekonomisë mund ta shpëtojë vendin.

Reagimi i plotë i Lulzim Bashës

Edhe pse shumë i kujdesshëm për të mos e acaruar klimën politike, raporti i ODIHR-it i rrëzoi votimet e 30 qershorit. Jo vetëm zgjedhje të paligjshme, jo vetëm zgjedhje një partiake, por edhe zgjedhje te vetë-vjedhura.

Edi Rama kandidoi vetë, votoi vetë, numëroi vetë, dhe prapë manipuloi.

Ky regjim është tashmë i degraduar plotësisht. Vetëm një ndryshim i thellë i strukturës politike, kushtetuese dhe ekonomike të vendit mund të na shpëtojë nga autokracia, krimi, varfëria dhe prapambetja./e.k-Dritare.net