Kontakto redaksinë English
Na ndiqni edhe në
Na ndiqni në YouTube, në kanalin zyrtar të Dritare TV!

Ngjarjet e Ditës

Lirimi i të kërkuarit për terrorizëm, reagon ashpër ambasada turke në Shqipëri

E Shtunë 14 Tetor 2017, 15:03

Dritare.net

Lirimi i të kërkuarit për terrorizëm, reagon ashpër
Ambasada turke në Tiranë ka reaguar pas lirimit të Muhammed Aydogmus, i kërkuarit nga drejtësia turke për terrorizëm. Gjykata e Durrësit e la të lirë një ditë më parë mbështetësin e Gylen, duke rrëzuar kështu edhe kërkesën për ekstradim.

Në një reagim për Report Tv, Sinan Cem Baş, konsull i ambasadës turke tha se vendimi i Gjykatës së Durrësit është skandaloz dhe cenon sigurinë kombëtare të Shqipërisë.

"Jemi tejet të zhgënjyer nga vendimi për mosekstradim. Gjykata e Durrësit dha dy vendime skandaloze. Turqia solli përpara gjykatës të gjitha dokumentet, por avokatët e Muhammed Aydogmus e politizuan çështjen. Gjykatësi ra në kurthin e politizimit të çështjes. Aydogmus është anëtar i një organizate terroriste.

Ky vendim i Gjykatës së Durrësit është kundra sigurisë kombëtare të Shqipërisë. Shqipëria dha shembull të keq në luftën kundër terrorizmit. Muhammed Aydogmus bleu pasaportat false nga grupe kriminale në Shqipëri. Vendimi i hap rrugë të tjerë terristëve për bashëpunim kriminal", u shpreh Sinan Cem Baş.