Shoferi humbet kontrollin, aksident i rëndë me tre të plagosur në Vlorë
E Diel 29 Janar 2023, 21:09
Dritare.net
Një aksident i rëndë ka ndodhur mbrëmjen e sotme në Vlorë, prej të cilit kanë mbetur të plagosur tre persona. Policia bën me dije se shoferi dhe dy pasagjerët ndodhen në spital nën kujdesin e mjekëver.
“Rreth orës 19:00, në aksin rrugor Vlorë-Kotë, në bypass, shtetasi K. K., 51 vjeç, duke drejtuar automjetin tip “Benz”, dyshohet se ka humbur kontrollin dhe si pasojë ka dalë nga rruga. 51-vjeçari, së bashku me 2 pasagjerët që udhëtonin me të, shtetasit T. M, dhe L. M, ndodhen në spitalin e Vlorës, nën kujdesin e mjekëve.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.”, njofton policia./ dritare.net
