Humbën rrugën gjatë natës në Orikum, policia shpëton turistët francezë!
E Premte 18 Gusht 2023, 14:02
Dritare.net
Dy turistë francezë janë shpëtuar në Karaburun pasi kishin mbetur të bllokuar në zonën e quajtur ‘Qafa e Thellë’.
Mësohet se kërkimet në zonë kanë zgjatur rreth 4 orë, ku pasi u bë i mundur lokalizimit turistëve i është ofruar ushqim dhe ujë dhe janë shoqëruar më pas deri tek vendi ku janë akomoduar për pushime.
Fatmirësisht 2 turistët janë në gjendje të mirë shëndetësore.
“Humbën orientimin gjatë natës, në një terren të thepisur, në zonën e quajtur “Qafa e Thellë”, shërbimet e Stacionit të Policisë Orikum iu shkojnë në ndihmë 2 turistëve francezë. Pas marrjes së njoftimit se 2 turistë francezë kishin humbur orientimin gjatë natës dhe për këtë shkak, kishin mbetur të bllokuar në zonën e quajtur “Qafa e Thellë”, shërbimet e Stacionit të Policisë Orikum, të asistuar nga inspektorë të zonave të mbrojtura, kanë organizuar punën për t’iu shkuar në ndihmë këtyre turistëve. Pas 4 orësh kërkime, u bë i mundur lokalizimi i 2 turistëve francezë, të cilët fillimisht janë asistuar me ujë dhe me ushqim, dhe më pas janë shoqëruar nga punonjësit e Policisë, deri te vendi ku ishin akomoduar për qëllime turistike. 2 turistët francezë janë në gjëndje të mirë shëndetësore dhe kanë falënderuar punonjësit e Policisë , për gatishmërinë e treguar.
Policia e Shtetit fton çdo qytetar/turist që gjendet në një nevojë që lidhet me detyrat funksionale të Policisë, të kërkojë ndihmë, dhe reagimi do të jetë i menjëhershëm”, njofton policia./M.k-dritare.net
