Konfirmohet arrestimi i autorit të shumëkërkuar të sulmeve të Parisit.
Lajmin e bëjnë të ditur mediat belge që citojnë burime të policisë.
I dyshuari në kërkim për sulmet terroriste në Paris, i cili ka qenë në arrati që nga nëntori, është “kapur gjallë” para pak minutash gjatë një kontrolli anti-terror në Molenbeek, Belgjikë, sipas medias vendase.
Policia tha se njëri nga dy të dyshuarit e plagosur gjatë operacionit “ngjante” si 26-vjeçari Salah Abdeslam, por tani ka ardhur edhe konfirmimi se ishte pikërisht ai.
Presidenti francez Francois Hollande i tha gazetarëve në Bruksel se nuk do të japë detaje rreth “operacionit” për momentin.
Hetuesit gjetën shenjat e gishtave të Abdeslam në një apartament aty pranë që e kishin kontrolluar në fillim të kësaj jave, tha një prokuror belg./dritare.net/
