Nevojitet:
- filxhan (xhezve)
- gotë ovale pa dorezë
- kafe turke
Duhet kafe e fortë dhe e sapozier. Sheqeri, qumështi apo disa shtojca tjera janë të NDALUARA! Kafja pihet e nxehtë, deri sa arrihet tek llumi i kafesë. Kur ta pini kafenë dhe në filxhan mbetet pak llum, me dorën e majtë kthejeni filxhanin në mënyrë që llumi të shtrihet sa më mirë. Me rëndësi është që këtë lëvizje ta përsëritni 3 deri 7 herë. Filxhani rrotullohet i përmbysur me grykë poshtë (drejt pjatës) dhe ashtu lihet derisa llumi të thahet pak. Mos guxoni të jini i padurueshëm dhe ta ngreni filxhanin çdo moment, sepse mund të prishni formën e figurave të mëparshme.
Ditët ideale për shikimin e filxhanit janë e marta dhe e premtja, kurse e diela dhe festat nuk janë të përshtatshme.
Keni të drejtë të shprehni tre dëshira. Për ato të dashurisë është përgjegjës gishti i unazës, kurse për ato të punës ekskluzivisht gishti tregues.
VËREJTJE: Për simbolet që në këtë listë nuk paraqiten, duhet të shfrytëzoni aftësitë tuaja intuitive.
Për shikim e filxhanit të kafesë, ju nevojitet edhe përvojë sepse ekzistojnë simbole të cilat interpretohen ndryshe, në varësi të ngjyrave dhe pozicioni i filxhanit!
Këtu po ju japim udhëzimin e shkurtër sesi të shikoni dhe lexoni filxhanin.
Që të bëheni lexues i mirë i simboleve që përshkruhen në filxhan, ju nevojitet:
- intuitë e mirë,
- njohje e mirë e simboleve dhe natyrisht
- pamje e mirë.
Gjithashtu, duhet të njihni edhe ritualin e përgatitjes që në filxhan “të pasqyrohet” e tërë e ardhmja e juaj.
- Filxhanin duhet mbajtur në dorën e djathtë, meqë ashtu pihet kafja. Nevojitet që pjesa e brendshme të jetë e bardhë kështu që të dalloni më lehtë simbolet që formon llumi i kafes, të prisni pesë deri në dhjetë minuta që llumi të thahet. Në filxhan nuk duhet shtuar sasi tjetër kafeje që të forcohen larat dhe as të preken.
- Sipas disa metodave “për përgatitjet për leximin nga filxhani”, kafja duhet të pihet në tre apo shtatë gllënka. Kjo varet nga përzgjedhja e juaj, nëse mundeni ta pini, por jo me patjetër (figurat në fund të filxhanit paraqesin personin apo shtëpinë e personit të cilit i lexohet filxhani. Figurat afër majës së filxhanit tregojnë që gjërat gati do të përmbushen. Figurat që dalin në vetë rrethin e filxhanit, tregojnë udhëtim apo ndërrim vendbanimi). Pasi ta pini, filxhanin kurrsesi mos e rrotulloni që llumi të mbulojë të gjitha pjesët e brendshme të filxhanit, por duhet të bëni vetëm lëvizje nga e djathta në të majtë dhe pastaj filxhanin ta përmbysni. Lëreni disa minuta që pikat e mbetura të kafesë të kullohen në pjatën e filxhanit, letër apo copë.
- Asnjëherë mos e thani filxhanin duke shtypur disa herë buzët e filxhanit sepse me këtë veprim do të prishni formimin e figurave dhe linjave në skajin e jashtëm të filxhanit të cilat janë shumë të rëndësishme për parashikim.
- Lexuesi duhet ta mbajë filxhanin në mënyrë që dorëza e saj të jetë nga ana e djathtë.
GJEOGRAFIA E FILXHANIT
Pjesa rreth dorëzës dhe ana e majtë nga dorëza paraqet personin të cilit i lexohet.
Ana e majtë nga dorëza deri te gjysma e anës së majtë të filxhanit është koha e cila aktualisht po kalon, çereku tjetër i anës së majtë nga dorëza është koha e cila po vjen, ana e djathtë nga dorëza është i dashuri, burri, gruaja. Më afër skajit të jashtëm të filxhanit janë e tanishmja dhe e ardhmja e afërt, kurse drejt fundit të filxhanit është e ardhmja e largët. Vetë fundi i filxhanit paraqet zonën e pafat.
KARAKTERISTIKAT E PËRGJITHSHME DHE PAMJA E LLUMIT TË KAFES
- Nëse filxhani është i mbushur me figura të qarta të cilat formojnë reliev të pasur, do të thotë se bëhet fjalë për personin i cili ka jetë mjaft dinamike apo është, ndoshta, në fazën e ngjarjeve të shumta.
- Nëse filxhani është i mbushur me figura të imta dhe shumë precize, bëhet fjalë për person mendjemprehtë i cili e di me saktë se çfarë bën. Çdo lëvizje e tij është e planifikuar.
- Simbolet që gjenden në afërsi të dorëzës paraqesin ngjarjet të cilat do të ndodhin në shtëpinë e personit të cilit i lexohet. Disa lexues i shpjegojnë të gjitha figurat të cilat janë në anën e majtë të dorëzës si e kaluar e afërt në lidhje me shtëpinë, kurse figurat në anën e djathtë si e ardhme e afërt, gjithashtu në lidhje me shtëpinë.
- Kurrsesi nuk guxoni të anashkaloni madhësinë e simboleve. Simboleve më të mëdha dhe të qarta duhet t’i kushtoni më tepër rëndësi se atyre të imëta dhe vështirë të dukshme.
- Nëse llumi i kafes në filxhan ka ngjyrë kafe të mbyllur, është e dendur, bëhet fjalë për person me vetëbesim.
- Nëse llumi i kafes në filxhan ngjyrë kafe e çelë, është e rrallë (e tejdukshme), personi është sigurisht i shqetësuar dhe i pakënaqur. Në aspektin psikologjik, është tepër emocional dhe i ndjeshëm.
- Nuk duhet të shqetësoheni nëse nuk do të keni sukses menjëherë me “leximin e filxhanit”. Për ta përvetësuar këtë aftësi ju duhet kohë, durim dhe mjaft përvojë.
- Është shumë e rëndësishme t’i lidhni figurat të cilat paraqiten në filxhan, pavarësisht nga rëndësia e tyre. Duhet të ushtroni, por nëse keni intuitë të mirë shumë shpejtë do të bëheni lexues i mirë i së ardhmes.
Në vazhdim të këtij teksti po ju japim një listë më të mirë, më të përhapur, më të gjatë dhe më të madhe figurash dhe domethënien e tyre:
Ajsberg – rrezik
Akrobat – rrezik, tensionim, duhet gjetur siguri dhe mbrojtje më të madhe
Akuarium – pakënaqësi me personin e dashur, ndonjë nga sëmundjet sezonale (ftohje, grip)
Akullnajë – kini kujdes, para jush gjendet rrezik i madh
Anije – pasuri, përfitime, udhëtim i suksesshëm
Antenë – përmirësim i shpejtë i gjendjes shëndetësore të personit për shëndetin e të cilit interesoheni
Arkivol – do të afroheni me një person të padëshiruar
Armë – rrezik ose zë
Avion – ky simbol nuk interpretohet si paralajmërim për udhëtim, por si përparim, trashëgimi të pasurisë. Nëse avioni është i shtypur, bëhuni i kujdesshëm – ju kërcënohet rreziku
Bager – në javën e ardhshme do të zgjidhen shumë dilema. Figura është mjaft e ndërlikuar dhe shumë rrallë mundë të zbulohet në filxhan.
Bajonetë (thikë)– pak i pafat
Bletë – sukses në shoqëri, takim, lajme të mira
Breg – paralajmërim i keq, vështirësi dhe pengesa në rrugën drejtë qëllimeve
Breshkë – dikush ju punon pas shpine. Rrugë e gjatë deri tek qëllimi
Bretkosë – ndryshime në punë. Keni shumë armiq
Bri – bollëk, përfitim i papritur
Brirë– rrezik në afërsi
Buf (hut) – skandal, gabim, në fund të filxhanit – shqetësim për para, pranë dorëzës së filxhanit – probleme, telashe në shtëpi
Buqetë lulesh – gëzim dhe kënaqësi, dashuri e gjatë
Burgi (turrjelë) – ju mungon pak këmbëngulje për të përfunduar punën që e doni shumë.
Burim uji, çezme – shëndet të mirë
Çajnik – takim me miqtë, shoqërim
Çantë e hapur – mund të ikni, nëse është e mbyllur – do të kapeni
Çekan – brengë, halle. Vështirësi të mëdha në jetë
Çelës – zgjidhje, hapje të mundësive të reja, sukses në fillim të punës
Çizme – mbrojtje nga dhimbja, fatkeqësi, shkatërrim – do të bëni gabim. Mbrojtje, sidomos nga lodhja fizike dhe dhimbja
Dardhë – komfort, sukses financiar, do të trashëgoni pasuri
Dele – lumturi
Demi – gruas: joshje e dhunshme; mashkullit: përleshje me shoqen
Derë – keni mundësi të reja, shfrytëzoni ato
Derr – në fund të filxhanit – sëmundje e rëndë në familje, në pjesën e sipërme – telashe të mëdha
Derrkuc – fitime, mirëqenie, lakmi e mundshme
Deve – udhëtim i suksesshëm me shpejtësi, lajme të mira
Dhelpër – shok i pasinqertë, jo besnikëri
Dhëmb – do t’ju prijë e keqe në të ardhmen
Diell – sukses në fillim të punës, siguri, lumturi, pushtet. Fat i madh
Dimër – mjerim, sëmundje
Dorë – shoqëri. Nëse dora është e hapur – shoqëri, nëse është e mbyllur – grindje
Dorëza – sfidë e madhe
Dragua – e kaluara nuk ju len rehat. Është koha për zgjidhjen e problemeve të cilët janë fshehur kohë të gjatë
Dritare – e hapur, lumturi ndërmjet shoqërisë, e mbyllur – dëshpërim nga shoqëria
Drunj – keni shokë të mirë, do të ju plotësohet dëshira
Dry – i hapur – befasi, i mbyllur – brenga
Dylbi – probleme për shkak të fshehjes, për ndonjë sekret
Elefant – përfitim i madh, vonesë në sukses. Jeni shumë të dashuruar dhe kjo dashuri do t’ju kthehet me të mirë
Enë – dasmë
Engjëll – ngjarje e gëzueshme në shtëpi, lajme të mira
Femër – kënaqësi, pjellori, moral, mirëqenie, shumë femra- armiqësi, thashetheme, xhelozi. Femër e zhveshur – turp
Fëmijë – pagëzim. Në fillim të filxhanit – shoqëri e re, ndërsa në fund të filxhanit – periudhë plot me probleme
Fener – do të zbuloni kush ju ka vjedhur
Fes, qeleshe – lajm i këndshëm zyrtar
Fletë – mirëqenie, sukses
Flutur – jostabilitet. Mendjelehtësi, ndokush në jetën tuaj nuk është i përgjegjshëm. I besoni njerëzve që nuk ua duan të mirën, naivë.
Fole – lumturi në familje
Fortesë – punë e kotë
Foshnje – brenga të vogla, por serioze, ndoshta do të fitoni ndonjë fëmijë apo lajm të mirë, e mundshme probleme të vogla, nëse ndodhet afër fundit të filxhanit, vështirësi për shkak të përgjigjeve të pamatura
Fshesë – do të zgjidhni me shumë sukses problemet e juaja
Fushë – begati
Fytyrë – ndryshim, aheng
Gaforre – armik
Gardh – vështirë do ti realizoni dëshirat dhe planet tuaja
Gëlltitje – mos merrni vendime të shpejta
Gërshërë – është koha të dorëzoheni në lidhjen që nuk ju ka shkuar mirë
Gjarpër – armik
Gjeth druri – lot
Gjeth tërfili – lumturi
Gjysmë muaj – ndërrim i punës
Gjyshe – “zi” në shtëpi
Gotë – stabilitet, siguri. Pavarësi, integritet.
Gozhdë – bëhuni të vëmendshëm. Shpirtligësi, padrejtësi
Grep – dikush dëshiron t’ju lidhë apo t’ju mbështjellë, t’ju mbajë peng apo në kurth
Grup njerëzish – gëzim i mirë
Guaskë – lajme të mira
Gur – vështirësi të mëdha
Hallka – duhet të ketë sa më shumë. Nëse janë dy, harxhoni të holla. Mbledhje familjare në ndonjë festim (ditëlindje, festa fetare, por edhe dasmë, lindje fëmije)
Hap – dëshmi në jetë
Harpë – romantikë, harmoni në raport me personat që i doni, simbol i përparimit dhe lumturisë emocionale
Hekurudhë – udhëtim i gjatë
Hudhër – takim me person që do t’ju garantojë bashkëjetesë të gjatë
Hundë – ndokush pyet për ju
Ibrik – përfitim i rëndësishëm, shëndet i mirë
Iniciale – person që do ta njoftoni
Insekt – do të keni halle dhe brenga më pak
Insekte – vjedhje apo dëm i vogël
Kafshë të egra dhe gjakpirëse: ujku, dhelpra, tigri, luani etj. – kujdes shokët
Kalë – duke vrapuar – lajme të mira të dashurisë, duke ndenjur në vend – romancë
Kalorës – sukses në punë
Kamxhik – dhunë, agresivitet seksual
Kapele – gjithçka të ikë nga duart. Fatkeqësi e vogël, ndryshime, në fund të filxhanit – rivalitet, në fillim të filxhanit – harmoni dhe përmirësim i përgjithshëm
Kaproll – do të keni shoqëri me persona me pozicion të lartë
Karkalec – lajme nga miq që janë në rrugëtim
Karrige – mysafir i papritur, probleme financiare. Stabilitet
Karrocë – dëshpërim
Katror –apati, mërzitje, depresion
Këmbë – do të shtyni apo humbisni lajmet e mira
Kangur – qetësi dhe lumturi në familje
Këpucë – ndryshim për të mire, shkuarje në rrugëtim apo ardhje e ndokujt. Mashkulli (këpuca) – udhëtim i suksesshëm, femëror – mysafir në shtëpi
Kitarë – momente romantike me personin e dashur
Klerik – përparim, sukses
Kokë – befasi në realizimin e qëllimeve
Kometë – vizitor i papritur
Krahë – porosi
Krimba – inat, përleshje
Krokodil – telashe, fatkeqësi dhe ftohje mes disa raporteve tuaja
Kryq – sakrificë, probleme me shëndetin
Kuletë – përfitim, në fund të filxhanit – humbje, harxhim
Kullë – jetë të gjatë dhe të lumtur
Kala – mirëqenie financiare para martesës
Kullotë – besnikëri, shoqëri, mirëqenie, ndihmë nga ndonjë shok. Shoqëri e sinqertë
Kulme – shtëpi e re
Kurorë – sukses në secilën sferë të jetës
Lak – veprim i paparamenduar që sjell probleme
Lakër – xhelozi dhe komplikime në punë
Lejlek – nëse është në fund të filxhanit – blerje në shtëpi, lindje, anësh filxhanit – humbje e shokut
Leopard – të reja për rrugën në vende tjera
Letër – zë i këndshëm
Letra – arrijnë lajme të reja, nëse letra ka pika- do të fitoni para
Libër – e hapur – ju pret një punë e mirë ku do keni sukses, libër i mbyllur – vështirësi në jetë
Lis – sukses, lavdi
Litar – i gjykuar pa faj
Llambë pranë dorëzës së filxhanit – para, festim, në fund të filxhanit – humbje personale, dy llamba- dy martesa
Lodër – nostalgji për kohën e kaluar, më së shumti për fëmijërinë
Lojtar – dëshpërim
Lopatë – duhet të mundoheni shumë për ti realizuar planet e juaja.
Luan – keni përparim në punën tuaj
Lule – dëshira të plotësuara. Shenja të mira, realizim i dëshirave, nëse petalet janë në fund – vështirësi rreth realizimit të ideve dhe dëshirave,
Lum – rrjedhë dredha-dredha – nëse të pamartuar – ndarje të fejesës, nëse të martuar – dyshim në sinqeritet mes partnerëve
Mace – mospajtim me shokët, shpirtligësi. Keni kujdes, ndonjë i afërt do t’ju tradhtojë, do të keni shokë të rremë dhe shoqëri të rrejshme.
Majmun – ndokush do të tentojë të ju mashtrojë
Mal – ambicie e madhe. Do të keni sukses, takime të reja, shpërblime. Telashe apo probleme të mundshme
Maskë – tradhti. Keni kujdes, një i afërt do ju mashtrojë – shokë të rremë. Nuk do të keni sinqeritet me personin e afërt, mashtrim, thashetheme, paqartësi.
Mbret- fuqi e pabesueshme, forcë, sukses
Medalje – shpërblim
Merimangë- tregon se paratë janë në ardhje (mund të ndodhë që nga disa rrethana ndokush t’ju vendos rrjet rreth juve). Ju pret lumturi e madhe
Mi – tradhti, humbje e madhe
Milingonë – do të ballafaqoheni me punë të vështira
Mizë – brengë, halle
Mjegull – gjithçka do t’ju shkëlqejë, mjegulla të vogla – thashetheme, mjegulla të rralla – përfitim parash. Para jush keni probleme, nëse mjegullat kanë pika – do të keni probleme financiare. Po ju mundojnë mendime të rënda
Mjek (infermier) – sëmundje, shkuarje në spital
Mjellmë – përparim i madh pa probleme. Sukses në tërë sferat.
Model – parregullsi në fund të filxhanit – ndryshim i gjendjes material
Mollë – sukses në punë, takime të reja dashurie, do t’ju vijë një ofertë e mirë. E keni patjetër të rrezikoni deri sa të arrini qëllimet.
Monedhë – sukses financiar, përfitime, pagesë të borxheve
Mostër – terror, dhunë
Motor – lajmet e reja do t’ju vijnë shumë shpejtë
Muaj – lumturi në dashuri, në gjysmën e parë të muajit – punë e re, gjysma e dytë e muajit – depresion, martesë për shkak të pasurisë
Ndërtesë – largim dhe zhvendosje
Ngarkim – gjëra të reja
Njëbrirësh – ndokush ju do në mënyrë të fshehtë dhe është i dashuruar tek ju
Njeri – përballja në pjesën e poshtme të filxhanit – besnikëri, martesë. Përballja në fund të filxhanit – ndarje, tradhti
Njeri i gjymtuar – sëmundje e shokut
Numra – luaj loto me ato numra, tresh i bardhë seks
Oktapod – rrezik
Orë – së shpejti do të keni takim të rëndësishëm
Paketë – befasi
Pallua – pasuri, trashëgim, jetë luksoze. Përfitime financiare
Palmë – sukses, festë, lumturi, dashuri.
Papagall – skandal rreth udhëtimit
Parashutë – do të largoheni nga problemet
Patë – zgjidhje për vendime të mira
Paterica – ndihmoni një mik të ngushtë
Pëllumb – mirëqenie përmes sakrificës. Prisni lajme të mira, lumturi
Pemë – ndryshim në të mirë, plotësim i ambicieve. Ju pret periudhë e mirë, përmirësime të gjithanshme. Simbolizon stabilitet, fillim të ri, shpresë dhe realizim të dëshirave
Pendë – dëshirat dhe planet tuaja do ti pengojnë prindërit apo vëllezërit dhe motrat tuaja.
Pesëkëndësh – baraspeshë intelektuale
Peshk – fat i mirë në punë. Lajme të shkëlqyera, mundësisht nga largësia, lumturi dhe sukses. Shqetësim, sa më shumë peshq, aq më shumë shqetësime. Tradhti
Peshkaqeni – keni apetite dhe ambicie të mëdha, por ato, për fat të keq nuk do të realizohen as përafërsisht.
Peshore – drejtësi
Pikë në fundërrinë – pike e bardhë – thashetheme, pikë e zezë – letër e këndshme, më shumë pika të zeza – dhuratë
Pishë – ngjarje e rëndësishme në dimër
Plep – fëmijët tuaj do të kenë sukses
Polic – armik i fshehtë
Pompë – bujari
Port – dinjitet
Profil – shok i ri, njoftime dhe shoqëri e re
Proshutë – armiqësi me rrethin
Pullë – do të ju plotësohet dëshira për realizimin e së cilës keni pritur mjaft gjatë
Pullë postare – kushtoni rëndësi shenjave apo simboleve para tij
Pus – kurth, dredhi
Pushkë – do të ketë probleme, telashe, keqkuptime
Qafore, gjerdan – lumturi, ndërprerje të lidhjes
Qen – lajme të mira dhe të këndshme
Qiri – ndihmë nga të tjerët. Momente romantike me personin e dashur
Rosë – paratë që po i prisni po ju arrijnë
Rubinet – zgjidhje e problemit, thellësi
Rrathë – pasiguri, vdekje
Rrem – fatkeqësi
Rreth – sukses, martesë, fëmijë. Fat shumë i mirë
Rrjet – keni kujdes do të bini në kurth. Bëhuni vigjilent para jush po ndodhin mashtrime
Rrotë – keqinformim
Rrush – harmoni, lumturi në dashuri. Jetëgjatësi
Sediment në fund të kodrës – përfitim i madh, trashëgim, ky sediment apo fundërrinë e prerë në vija – ndarje të çiftit bashkëshortor ose të fejesës
Sëpatë – do të keni paralajmërim rreth parave dhe dashurisë. Nëse është në fillim të filxhanit – vështirësitë shpejtë do të mënjanohen. Do t’ju kaplojnë problemet, është koha të mbani llogari për vete
Sirenë – duhet të mbroni qëndrimet e juaja
Skelet – humbje të parave ose probleme me shëndetin
Slitë – përvetësim i padëshiruar
Spirancë – udhëtim që do të kryhet me sukses, nëse është në krye të filxhanit – sukses, nëse është në fund të filxhanit – sukses në punë apo në romancë, në mes të filxhanit – udhëtim i suksesshëm
Struc – udhëtim
Sy – do të vijnë vështirësi më të mëdha, bëhuni syhapur. Jeni të rrethuar me armiq.
Shenjtor – mirëqenie në shtëpi
Shigjetë – dashuri e lumtur dhe harmonike. Lajme të këqija. Do të zgjidhni vet problemet.
Shishe – jetë shoqërore mjaft aktive
Shishe – një shishe – kënaqësi, lajme të mira, më shumë shishe – sëmundje
Shkëmb – probleme të vogla që shpejtë do t’i tejkaloni
Shkop – vizitor
Shkronjë në fundërrinë – do të krijoni lidhje me një person që ka shkronjën tuaj të parë
Shpatë – dëshpërim, mosmarrëveshje, përleshje, grindje
Shportë – sukses i madh në punë, përfitime financiare
Shqiponjë – ndryshim shumë i madh, bëhuni të kujdesshëm
Shtëpi – siguri, në krye të filxhanit – sukses në dashuri, në fund të filxhanit – mosmarrëveshje në martesë, ndarje
Shtrat – probleme të vogla të natyrës personale. Shtrat i bardhë dhe i zbrazët në fund të filxhanit – tregues i një periudhe të rëndë, sëmundje
Shtyllë – promocion, sukses
Shtypje – mundësi e mirë për punësim
Teleskop – aventurë
Tendë – udhëtim
Tenxhere – ndihmë në shoqëri
Therje – kujdes, rrezik! Ruajuni
Thikë – ndërprerje të lidhjes, ndarje, gjykim. Keqkuptime të mëdha, hidhërim
Thonj – padrejtësi, pakënaqësi, mossukses
Thua – shokë të fshehtë, shenjë për rrezik të madh, kujdes me kë shoqëroheni
Top – lajme nga ushtar ose persona me uniformë
Top futbolli – sukses, realizim i qëllimeve
Trekëndësh – diçka e papritur, shikimi sipër filxhanit – sukses, shikimi poshtë – mossukses
Trëndafil – famë, shëndet i mirë dhe lumturi.
Tupan – skandal, sigurisht në punë, jo këndshëm si fillim
Tym – gjykim
Udhë, rrugë – udhëtim, nëse është rruga e drejtë – gjithçka është në rregull, nëse është e lakuar – ka kuptim të kundërt
Ujk – armiqësi, xhelozi, egoizëm
Unazë – lumturi emocionale, nëse është në krye të filxhanit – do të ketë martesë, nëse është në fund të filxhanit – do të ketë fejesë të papritur
Urë – ekziston barrierë në sukses, do të keni komplikime të pakëndshme
Ushqim – sukses i madh në punë, sa më shumë ushqim aq më tepër sukses
Varkë – do të mbeteni i/e ve. Jeni të sigurt, jeni nën mbrojtje, do t’ju vizitojë mik i juaj
Varr – vdekje e të afërmve
Vazo – martesë
Veturë – e mbushur – vdekje e një shoku, veturë e zbrazët – udhëtim i papritur
Vezë – përparim, mirëqenie, rehati. Periudhë e volitshme që do t’ju sjell sukses në çdo sferë
Vijë – e drejtë dhe e qartë – udhëtim, përparim, sukses, vijë e lakuar – dëshpërim, vijë e pjerrët – gabim në punë
Vishnje – lumturi në punë,
Vrapues – nuk veni baste
Xhami – para të papritura. Përparim i jashtëzakonshëm në çdo aspekt
Xhip – sukses i madh në punë
Xhirafë – mendoni më herët se sa flisni
Ylberi – gëzim, sukses i madh, përparim
Yll – sukses i madh në punë, shëndet i mirë, lumturi e plotë
Zambak – lumturi, jetëgjatësi
Zebra – aventurë, jetë jo e rregullt
Zemër – ngazëllim në jetën emocionale, kënaqësi, martesë, lumturi, shoqëri. Nëse është në fund të filxhanit – njoftim i ri, shoqërim me dike
Zile – lajme të papritura, një zile – kënaqësi, dy zile – martesë
Zinxhir – martesë ose fejesë, sukses i madh. Duhet të mundoheni më shumë në punë
Zog – lajme të mira
Zogj – shoqëri, lajme të mira
Zvarranik – dëshpërim në shoqëri, do t’ju mashtrojë shok i juaj – rrezik
