Kryeministri Rama ka ftuar të gjithë krerët e opozitës jo parlamentare, të ulen në një tryezë të përbashkët për të dialoguar për reformën zgjedhore. I pyetur nga gazetarët, kreu demokrat, Lulzim Basha, u shpreh se kjo letër është një tallje dhe provokim i kryeministrit. Më tej ai shtoi se Rama duhet t’ia dërgojë këtë ftesë krerëve të bandave në Shqipëri.
Kreu i opozitës është shprehur se krizën politike nuk e ka shkaktuar kodi zgjedhor, ndaj hapi i parë sipas Bashës është ndarja e politikës nga krimi. Në fund të fjalës së tij, ai u shpreh se pret përgjigje nga OSBE, për tre kryebashkiakët, që PD i ka akuzuar se kanë një të shkuar kriminale.
