Flet nipi i Klement Balilit: U vetëdorëzua, unë negociova me Veliun

Në një  intervistë ekskluzive për Ora News,  nipi i Klement Balilit, Rigels Balili tregon pse u vetëdorëzua

“Negociatat kanë nisur që në momentin kur na njoftuan se është plotësuar dosja dhe është gati për tu dorëzuar në gjyq. Sot bëmë të mundur dorëzimin në drejtorinë e Policisë. Nuk është arrestuar është vetëdorëzuar kam shkuar unë në zyrën e drejtorit të policisë dhe kam bërë negociatën”

Rigels Balili është kryetari i bashkisë së Delvinës, njëherësh nipi i Klement Balilit.

Intervista telefonike u dha për gazetarin e Ora News Leftion Peristeri.

Intervista për Ora News

Ora News: Zoti Balili, ju keni qenë pjesë e negociatave mes policisë dhe Klement Balilit për dorëzimin e tij

Rigels Balili: Po

Ora News: Kur kanë filluar negociata?

Rigels Balili: Që në momentin që na kanë njoftuar avokatët që është plotësuar dosja dhe është gati për tu cuar në gjyq. Në momentin që dosja do të shkonte në gjyq ai ishte i gatshëm të përballej me drejtësinë. Sot kemi bërë të mundur vetëdorëzimin në polici.

Ora News: Ku ka qendruar?

Rigels Balili: Nuk pata kohë ta pyesja se ku kishte qëndruar, sepse shumë pak qëndrova, vetëm e dorëzova tek drejtori i policisë?

Ora News: Ka një paqartësi, është vetëdorëzuar apo arrestuar?

Rigels Balili: Nuk është arrestuar, është vetëdorëzuar. Kam procesverbalin, kam shkuar unë tek zyra e drejtorit, kam bërë negociatën dhe ka ardhur drejtori e ka marrë në zonën e Delvinës.

Ora News: A ka qenë e vështirë kjo negociatë dhe çfarë e kë bindur atë të dorëzohej?

Rigels Balili: Nuk ka qenë e vështirë, në momentin që dosja do të shkonte në gjyq, nuk do ti fshihej drejtësisë.  Kushti i vetëm që ka qenë që të vetëdorëzohej

LEXO DHE :  Si të kombinoni ngjyrën rozë, në vjeshtë dhe dimër!

Ora News: Do të kërkojë gjykim të shkurtuar?

Rigels Balili: Është pyetje që i takon atij jo mua?

Ora News: Keni kërkuar garanci për jetën e tij dhe mos ekstradimin në Greq?

Rigels Balili: Nuk i trembet drejtësisë sepse është i pafajshëm. Është vetëdorëzuar, nuk është arrestuar. Nuk mund të rrinte tre vjet në paraburgim derisa dosja të shkonte në gjyq.

Ora News: Si është bërë komunikimi me të?

Rigels Balili: Nëpërmjet avokatit është komunikuar dhe avokati ka bërë negocimin me drejtorin e policisë.

Ora News: Ka qenë Ardi Veliu në momentin e vetëdorëzimit në polici?

Rigels Balili: Po, ka qenë vetë drejtori i Policisë së Shtetit.

Ora News: Keni një mesazh për autoritetet?

Rigels Balili: Drejtësia mos marrë për bazë mediat, pasi mediat i kanë vënë një titull “Eskobar”, edhe ju jeni koshientë që nuk e meriton.

Ora News: Kush janë qëndrimet e Balilit për akuzat?

Rigels Balili: Nuk më takon mua, i takojnë të pandehurit.

Ora News: Mendoni se i keni bërë një shërbim drejtësisë?

Rigels Balili: Normalisht, tani që dosja është para gjykatës nuk ka pse të fshihet. Nëse është i pafajshëm të marrë pafajësinë, nëse është i fajshëm të dënohet në bazë të fakteve.

Ora News: A mendoni se ka një kosto politike për ju, pasi thoni që është vetëdorëzuar, ndërsa policia thotë është arrestuar?

Rigels Balili: Atë që pohova e them me përgjegjësi. Është vetë dorëzuar./ora news

Për t’u bërë pjesë e grupit "Dritare.net" mjafton të klikoni: JOIN GROUP

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.