Juli Zguro është një nga Shefat e kuzhinës më të përfolur kohët e fundit.
Ai ka një eksperiencë shumëvjeçare jashtë vendit duke punuar në restorante Gourmet dhe me yje Michelin.
Ka qenë bashkëpunimi me shumë Shefa me famë botërore, të cilët kanë besuar dhe vlerësuar punën e tij.
Sot, ai është kthyer në Shqipëri dhe menutë e tij janë në restorantet më me emër, të tillë si: LifeGallery në Korçë, Opium Sushi Bar, Millennium Gourmet dhe këtë verë do të jetë Shefi i Restorantit Prive Lounge tek Folie Marine.
Pulë teriyaki me pure rrënje selinoje dhe arrë kokosi
Për 4 persona nevojiten:
- 250 gr fileto pule
- 1 thelbi hudhër
- 20 gr xhinxher të frekët
- 2 lugë gjelle vaj susami
- 50 gr vaj ulliri
- 130 gr salcë Soya
- 160 gr Mirin (uthull orizi)
- 60 gr Sake (raki orizi)
- 60 gr sheqer i zi
- 30 gr susam
- 200 gr rrënjë selino
- 50 ml qumësht kokosi
- 30 gr gjalpë
- Kripë
- Piper
Si fillim, ndërtojmë salcën. Hedhim vajin e susamit në tigan, skuqim hudhrën kokërr dhe xhinxherin. I shuajmë me sake, pastaj shtojmë salcën e sojës, mirinin dhe sheqerin. I japim një valë derisa salca të lidhet dhe të bëhet kremoze. (heqim hudhrën)
Pulën e marinojmë me pak kripë dhe piper, e presim në fela të holla vertikale dhe i vendosim në grill.
Për purenë duhet të ziejmë rrënjën e selinos derisa të zbutet. Më pas heqim ujin dhe shtojmë qumështin e kokosit, kripën, piperin dhe gjalpin. I trazojmë derisa të lidhen dhe të krijohet kremi pure.
Në fund, vendosim purenë në pjatë, pulën sipër dhe i hedhim salcën duke i shtuar susamin për shije dhe dekor.
Ju bëftë mirë!
Ekskluzivisht për dritare.net Shef Juli ndan këtë recetë sot.
Ja disa nga pjatat më të bukura të Shef Gourmet.
[cycloneslider id="pjata-ushqimi"]