Detajet/ Emri dhe foto, kush është ish-mësuesi që u plagos në Vlorë
E Premte 30 Gusht 2019, 21:09
Dritare.net
Mësohet se Eljus Thartori është 36-vjeçari që ka mbetur i plagosur.
Policia e Vlorës njofton se një 36-vjeçar dyshohet se është qëlluar me armë zjarri, ndërsa ndodhet në spital jashtë rrezikut për jetën. Ai rezulton si person i njohur për Policinë e Shtetit pasi më parë ishte dënuar për vrasje.
36-vjeçari, një ish-mësues i edukimit fizik në shkollën 9 vjeçare “Teli Ndini” në Vlorë.
Ai u hoq nga puna si mësues dy vite më parë, pasi emisioni investigativ, “Fiks Fare”, publikoi video ku ish-mësuesi inkurajonte nxënësit të ofendonin drejtoreshën dhe luante me ta bixhoz gjatë orës së mësimit.
36-vjeçari jetonte jashtë vendit, ndërsa ishte kthyer pak kohë më parë në Vlorë./ I.M-Dritare.net
