E pësojnë kompanitë e mëdha! Tregu i aksioneve në SHBA bie ndjeshëm pas tarifave të Trump
E Enjte 3 Prill 2025, 16:04
Dritare.net
Këmbana ka rënë në Wall Street dhe tregtia tashmë është duke u zhvilluar zyrtarisht në SHBA.
Tregu i aksioneve në SHBA bie ndjeshëm menjëherë pasi Donald Trump njoftoi një sërë tarifash mbrëmë. Ndërsa markat e mëdha si Nike, Apple dhe Amazon humbasin vlerën në tregtimin e hershëm, Shtëpia e Bardhë i thotë Wall Street-it të "besojë te presidenti Trump".
Në momentet e para të tregtimit Dow Jones ka rënë 2.8%, S&P 500 është 3.3% më i ulët dhe Nasdaqm i cili dominohet nga aksionet e teknologjisë, ka rënë me 4.4%.
Rënie kanë pësuar edhe markat e njohura; përfshirë Nike (rënie 11% në një moment), Gap (18%) dhe Amazon (7%).
Trump njoftoi tarifa 10% për shumicën e vendeve nga e shtuna, ndërsa me tarifa më të larta për disa nga partnerët më të mëdhenj tregtarë të Amerikës nga 9 prilli.
Si përgjigje, Britania e Madhe ka hartuar një listë prej 400 faqesh të produkteve të SHBA-së që mund t'i godasë me tarifa në atë që korrespondenti ynë kryesor politik Henry Zeffman thotë se është një ashpërsim i qëndrimit të Starmer
Shefja e BE-së Ursula von der Leyen i quan tarifat e Trump një "goditje të madhe për ekonominë botërore", ndërsa Kina, e cila përballet me një normë prej 54%, premton kundërmasa./K.C/dritare.net
