6 kombinimet e tastierës që do ju lehtësojnë shumë punën
E Martë 23 Tetor 2018, 11:11
Dritare.net
Duke lënë mënjanë të gjitha komandat e mouse-it gjatë përdorimit të kompjuterit, dritare.net sot në këtë artikull do ju mësojë disa kombinime sekrete të tastierës që do ju ndihmojnë shumë. Sipas një studimi është llogaritur se një person që shpenzon 8 orë përpara një kompjuteri çdo ditë mund të humbasë 64 orë çdo vit duke përdorur mouse në vend të tastierës për shumicën e punëve që bëjnë.
Por ju mund të dini disa kombinime të lehta që shpesh herë ju kanë reduktuar shumë kohë, si Ctrl + C për kopje dhe Ctrl + V për paste.
Dritare.net sot do ju mësojë disa kombinime të tjera që do ju bëjnë më energjikë në punë.
Ribëj
Përdoruesit e Windows e dinë se Ctrl + Z përdoret për të prishur një veprim, por a e dini se ekziston një kombinim i tastierës që bën pikërisht të kundërtën?
Shtypja e Ctrl + Y do të përsërisë veprimin që keni rregulluar.
Për përdoruesit e Mac: Command + Shift + Z
Dritare aktive në ekran
Tasti i Printimit (PrtSc) në tastierën tuaj përdoret për të marrë fotografitë e të gjithë ekranit. Por në qoftë se doni të bëni më shpejt një screenshot të vetëm dritares aktive, shtyp Alt + Print Screen. Kjo mënyrë eliminon nevojën për të reduktuar screenshot-in për të prerë vetëm ekranin aktiv.
Opsioni për prerjet
Për përdoruesit e Windows 10 që duan të kenë pamjen e ekranit aktiv, shtypni butonin e logos së Windows + Shift + S, dhe zgjidhni pjesën e ekranit që dëshironi të ruani. Pjesa e zgjedhur do të ruhet në clipboard.
Tastiera Emoji
Për përdoruesit e Windows 10 është shumë e lehtë të gjeni emojit, mbani shtypur butonin dhe pikën dhe do shikoni që do të shfaqet tastiera me emoji. Kjo nuk funksionon në versionet e mëparshme të Windows.
Minimizo të gjitha dritaret
Për përdoruesit e Windows është shumë e lehtë të mbyllin të gjitha dritaret njëherësh. Thjesht duke shtypur butonin e logos së Windows + M do të bëjë magjinë!
Për përdoruesit e Mac: Option + Command + M.
Kyçni dritaren
Për përdoruesit e Windows nëse minimizimi nuk mjafton, mund të bllokohet Windows duke klikuar butonin e logos së Windows dhe gërmën L.
Për përdoruesit e Mac: Control + Shift + Power./A.C/dritare.net
