Foto/ Orinda Huta dhe Turjan Hysko do të bëhen prindër
E Diel 14 Mars 2021, 12:12
Dritare.net
Orinda Huta dhe Turjan Hysko do të bëhen prindër për herë të parë. Lajmi i shtatzënisë së Orindës prej ditësh qarkullon në media, por sot e ka konfirmuar vetë moderatorja dhe këngëtarja. Orinda e ka konfirmuar lajmin me një video nga emisioni i saj “Jo vetëm modë”.
Veshur me një jumpsuit vishnje Orinda tregon barkun e rrumbullakosur.
Ndërkohë, pak çaste më parë, çifti ndau foto nga pritja e ëmbël në rrjete sociale. Turi poston foto me Orindën ndërsa shkruan: “Pranvera nuk vjen me një lule, vjen me një bebe!”
Orinda publikon foto nga i njëjti set dhe zgjedh fjalët më të ëmbla për mrekullinë që do të vijë në jetë së shpejti.
“Duke pritur mrekullinë që Zoti zgjodhi të na bekojë. Faleminderit Zot”, shkruan moderatorja.
Shtatzënia i ka dhënë një nur të ëmbël moderatores së dashur nga publiku. Urime Turi dhe Orinda për pritjen e ëmbël!/K.C/dritare.net
