“E adhuroj!”/ Jennifer Lopez frymëzohet nga kërcimi i të riut shqiptar dhe çel sfidën e famshme!
E Diel 13 Dhjetor 2020, 12:12
Dritare.net
Nuk besoj se ka ditë më të lumtur për të riun, Ardit Nreca, i cili doli në faqen me 134 milionë ndjekës të Instagramit, të Jennifer Lopez dhe në TikTok-un e saj.
I riu shqiptar, fans i zjarrtë i Jennifer, postoi një video në TikTok, me sfidën #InTheMorningChalleng, ku kërcente këngën më të fundit të këngëtares me famë botërore.
Mbretëresha e këngës e pëlqeu shumë këtë kërcim të Arditit në TikTok, kështu që e postoi në faqen e saj, por dhe Instagram. Pastaj Arditi e postoi videokërcimin edhe në Instagram dhe Jennifer i komentoi në video duke shkruar: “E adhuroj këtë zemër!”.
Por kjo nuk është e gjitha.
Pasi pa videon e Arditit, Jennifer çeli zyrtarisht sfidën e kërcimit, në Instagram dhe Tik-Tok, duke i bërë tag edhe të riut, nga i cili u frymëzua për sfidën.
“Faleminderit Mbretëreshë që po bën kërcimin tim! Kurrë s’mendoja se kjo ditë do të vinte!”-shkruan Arditi në Instagram./K.C/dritare.net
View this post on Instagram
