Zgjedhjet vendore/ PD pa një numër të saktë, tërhiqen kandidatët në këto qytete!
E Martë 28 Mars 2023, 16:04
Dritare.net
Partia Demokratike vazhdon të mbetet e paqartë sa i përket kandidatëve për kryetarë bashkie. Së fundmi nga 18 emrat të cilët ishin përmendur, Korça, Kurbini dhe Lezha janë tërhequr nga kandidimi.
Sipas Enkelejd Alibeajt ky vendim është marrë në interesin njerëzor të demokratëve dhe qytetarëve të asaj bashkie. Alibeaj deri tani nuk ka deklaruar asnjë numër të saktë të bashkive. Ai tha se janë dërguar rreth 20 dhe janë në proces regjistrimi.
Ndërsa për faktin se Belind Këlliçi u regjistrua në zgjedhjet e 14 majit me logon e Partisë së Lirisë, Alibeaj u shpreh se e ka pasur mundësinë të përfaqësohej me siglën e Partisë Demokratike por ai tashmë është në logon e Partisë së Ilir Metës. Roland Bejko ka pranuar të kandidojë në logon e PD për bashkinë e Tiranës pasi nuk pranon që e djathta të përfaqësohet nga një parti e majtë. Kështu u shpreh ai në një konferencë për mediat duke iu referuar koalicionit Berisha-Meta.
Deri tani emrat e përmenduar nga PD zyrtare për 14 Majin janë:
Tiranë-Roland Bejko
Mallakastër- Agron Kapllanaj
Lezhë - Sandër Marku (tërhequr)
Patos- Pranvera Rizai
Fier -Eriselda Zotaj Çelaj
Korçë-Gjergji Gjata (i tërhequr)
Poliçan - Florian Qamo
Kuçovë - Ilirjan Koxhaj
Kamëz - Bilbil Bajraktari
Krujë - Sabah Sheta
Dibër - Naim Gazidede
Dimal- Dritan Sula
Librazhd -Bujar Vreto
Vorë- Ibrahim Bruka
Sarandë- Skënder Muço
Mirditë-Mark Ruçi
Kurbin- Genc Doçi (i tërhequr)
Vau i Dejës- Klomentina Drini./ A.ZH-dritare.net
