Sot Dita e të Dashuruarve, kush ishte Shën Valentini!
E Shtunë 14 Shkurt 2026, 08:08
Dritare.net
Sot, më 14 shkurt, festohet Shën Valentini, i njohur si festa e dashurisë dhe e të dashuruarve. Kjo ditë është kthyer në një simbol të shprehjes së ndjenjave, ku çiftet shkëmbejnë dhurata, lule dhe mesazhe romantike.
Origjina e Shën Valentinit lidhet me një prift të quajtur Valentini, i cili jetoi në Romën e lashtë në shekullin III. Sipas legjendës, ai kryente fshehurazi martesa për çiftet e reja, në një kohë kur perandori Klaudi II i kishte ndaluar, duke besuar se burrat beqarë ishin ushtarë më të mirë.
Për këtë arsye, Valentini u arrestua dhe u ekzekutua më 14 shkurt, datë që më pas u kujtua si dita e tij.
Me kalimin e shekujve, kjo ditë mori kuptimin që ka sot, duke u shndërruar në një festë të dashurisë, miqësisë dhe vlerësimit për njerëzit e afërt.
Në Shqipëri, ashtu si në shumë vende të tjera, Shën Valentini festohet gjerësisht, sidomos nga të rinjtë, me darka romantike, dhurata simbolike dhe surpriza për personin e zemrës.
Në thelb, kjo ditë mbetet një kujtesë për të shprehur dashurinë dhe mirënjohjen, jo vetëm për partnerin, por edhe për familjen dhe miqtë.E.P-dritare.net
