Rama: Brenda kësaj dekade do të jemi eksportues të prodhimeve ushtarake
E Shtunë 5 Prill 2025, 16:04
Dritare.net
Nga reparti i operacioneve speciale në Zall Herr, kryeministri Edi Rama shprehu ambicien që brenda kësaj dekade, Shqipëria jo vetëm do të prodhojë por edhe do të eksportojë prodhime ushtarake.
"Në 10 vitet e fundit qeveria ka 10-fishuar investimet në Mbrojtje. Kemi nisur program mbështetje për familjet e efektivëve, 179 efektivë që kanë përfituar nga një kredi me 0 interes për shtëpi dhe ky program do zgjerohet, sidomos rekrutët e rinj, do duhet të martohen se beqarët na duhen në front 24 orë, kur të ndani frontin mes luftës dhe dashurisë do të keni akses në një kredi të butë, është 5- fishuar numri i studentëve në akademi.
Ambicia jonë është që të jetë një qendër stërvitore arsimore që t’i kalojë kufijtë e republikës sonë. Janë bërë një sërë përmirësimesh, s’dua t’ju mërzis me kontratat e mirëmbajtjes së helikopterëve. Ka rritje të pjesëmarrjes së vajzave, ishte 10%, ka shkuar në 20.8%.
Ishte shumë e vështirë të dilej nga humnera ku ra FA. Brenda kësaj dekade të na japë jo vetëm një aset të munguar të Shqipërisë, asetin e kësaj industrie, por edhe një kapacitet të ri të fitimit në aspektin financiar për të riinvestuar në jetën e vendit. Do të jemi vend eksportues i prodhimeve ushtarake, brenda kësaj dekade", u shpreh kryeministri Edi Rama./L.F-dritare.net
