Shërbimi Meteorologjik Ushtarak bëri të ditur se ditën e hënë vendi ynë do të vijojë të ndikohet nga kushte atmosferike të paqëndrueshme për shkak të qarkullimit të një qendre të presionit të ulët mbi Rajonin e Ballkanit shoqëruar me masa ajrore të lagështa.
Moti parashikohet me kthjellime si dhe alternime të herëpashershme me vranësira mesatare deri të dendura me këto të fundit kryesisht në orët e mesditës dhe pasdites. Vranësirat do të shoqërohen me reshje shiu të herëpashershme me intensitet kryesisht të ulët ndërsa në periudha afatshkurtra reshjet në formën e shtrëngatave në një pjesë të madhe të territorit. Prej orëve të vona të mbrëmjes reshjet ndërpriten në pjesën më të madhe të vendit. Mjegull e dendur dhe mjegullinë dhe shikim i reduktuar në momentin e reshjeve të shiut si dhe në orët e para të mëngjesit kryesisht përgjatë zonave luginore.
Era do të fryjë e lehtë me drejtim verilindje – veriperëndim me shpejtësi mesatare 7 m/s, ndërsa përgjatë vijës bregdetare e lugina era hera-herës fiton shpejtësi 8-12 m/s shoqëruar me valëzim në dete të forcës 2-3 ballë/E.P-dritare.net
