Ja çfarë shkruajnë për Bashkim Finon, Basha e Kryemadhi!
E Hënë 29 Mars 2021, 11:11
Dritare.net
Pavarësisht ngjyrimeve politike të gjithë sot kanë reaguar për ndarjen nga jeta të deputetit socialist bashkim Fino. Kryetari i opozitës Lulzim Basha shkruan se kontributi i Bashkim Finos në politikën shqiptare do të vlerësohet gjithmonë si një zë i rëndësishëm në funksion të stabilitetit politik.
"Me trishtim mësova lajmin për ndarjen nga jeta të ish-kryeministrit, ish-ministrit dhe ish-deputetit Bashkim Fino. Jam i bindur se kontributi i Bashkim Finos në politikën shqiptare do të vlerësohet gjithmonë si një zë i rëndësishëm në funksion të stabilitetit politik dhe shoqëror të vendit. I shpreh ngushëllimet më të sinqerta familjes Fino dhe gjithë të dashurve të tij. U prehtë në paqe", shkruan Basha në Twitter.
Kryetarja e LSI-së Monika Kryemadhi e cilëson Finon si njeriun më paqësor, që ishte kundër çdo konflikti.
"Me hidhërim të madh mësova lajmin se u nda nga jeta një njeri i mirë, një socialist i vërtetë. Njeriu që ishte kundër çdo konflikti absurd, i lindur për të qenë kryeministri i pajtimit. U prehsh në paqe Bashkim", shkruan Kryemadhi./L.F-dritare.net
