Finalja e madhe e Euro 2024, faktet që duhet të dini për ndeshjen Spanjë - Angli
E Diel 14 Korrik 2024, 16:04
Dritare.net
Spanja po kërkon titullin e katërt të Kampionatit Evropian të UEFA-s, ndërsa përballet me skuadrën angleze që kërkon të parin trofe në finalen e UEFA EURO 2024 në Olympiastadion Berlin.
La Roja është tashmë skuadra më e suksesshme në historinë e këtij kampionati me tre tituj. Ndërkohë, Anglia ka arritur në finale të njëpasnjëshme dhe shpreson të marrë trofeun për herë të parë pasi humbi me penallti ndaj Italisë në Wembley në EURO 2020.
Të dyja skuadrat erdhën në finale pasi në gjysmë finale fituan me rezultatin 2-1.
Spanja mposhti Francën në Mynih më 9 korrik falë goditjeve të 16-vjeçarit Lamine Yamal – duke e bërë atë golashënuesin më të ri në historinë e EURO – dhe Dani Olmo; 24 orë më vonë, një goditje në minutën e 91-të nga zëvendësuesi Ollie Watkins i dha Anglisë fitoren kundër Holandës në Dortmund, pasi Harry Kane kishte barazuar në pjesën e parë.
Kjo është finalja e parë e Kampionatit Evropian në Olympiastadion, vendi i fitores së Italisë kundër Francës në finalen e Kupës së Botës FIFA 2006 dhe humbjes së Juventusit nga Barcelona në finalen e Ligës së Kampionëve 2015./L.F-dritare.net
