Erion Braçe për Bashkim Finon: Një Shqipëri e tërë të është mirënjohëse. Vendi u ringrit fale teje!
E Hënë 29 Mars 2021, 10:10
Dritare.net
Nga Erion Braçe
Shpirti yt ndrittë shumë lart! Një Shqipëri e tërë të është mirënjohëse në ditën më të zezë të sa!
Vëllai im!
Ne të dy e nisëm këtu, ne Gjirokastrën tënde, një ditë maji të vitit 1995; ti si kryetari më i mirë i asaj bashkie ndonjëherë dhe unë si një socialist i ri, në takimin e socialistëve të rinj atje. Prej asokohe nuk u ndamë më.
Bashkë u rritem, bashkë jetuam, bashkë luftuam çdo beteje, bashkë fituam! Ishe rreze drite në errësirën e Marsit 1997, ishe shpresa e re në vendin e mbaruar po atë Mars; Ti u bere urtësuesi, pajtuesi i gjithkujt,
PIKA THEMELORE E RINGRITJES SË KËTIJ VENDI!
E mbaj me vete optimizmin tënd atë nate, fjalën tende te parë për mua e unë për gazetën: SHPRESE E RE!
Ti ia dole! Vendi u ringrit edhe prej teje, fale teje, mirësisë, dashurisë, optimizmit, pasionit, forcës së ZEMRËS TËNDE TË MADHE!
Të jam mirënjohës BASHKIM, pa fund!
E mban mend që ti me prezantove në POLICANIN e zhuritur në Qershorin e 1997?!
A e mban mend sa gëzim solle me vete atje dhe gjithë rrugës për atje në një stafete njerëzore që s’kish fund?!
A i mban mend brohoritjet e njerëzve të zakonshëm si ti?! Aty u shënjua që të vijonim bashkë betejat;
Ti në Kuçovë e unë në Berat.
Ti në Lushnje e unë në Divjakë.
Nuk e di, por fati e ka sjellë që unë të eci në gjurmët e tua; ku ishe ti, punove ti, luftove ti, fitove ti, vijova unë!
Është një jetë e tërë kështu, 24 vite!
Tani jam në gjunjë, me lotët qe mbysin fjalët; po do ringrihem edhe për ty!
Kemi betejë për të bërë ende, në Lushnjë e Divjakë;
Do çojmë deri në fund punët që nise ti, do mbajmë çdo premtim tëndin për njerëzit atje, tani edhe si AMANETI I BASHKIMIT.
Aaaa po, do vijoj te luaj futboll Bashkim, edhe për ty!
Ne të dy as aty nuk u ndamë, një pasion i madh që na bëri bashke edhe si të kuq, në fusha e tribuna; Qemal Stafen kurrë nuk e mbushi kaq asnjë tjetër veç teje e Kombëtares së Shqipërisë!
Kryeministri që zbriti në fushë në vitin e zi, dha gëzim edhe nga një fushë futbolli! Të qoftë i lehtë dheu ne gjoks vëllai im! Rruga me ty ishte më e bukura rruge që kam bërë ndonjëherë!/dritare.net
