Vape më keq se cigarja, dëmton arteriet dhe venat!
E Mërkurë 4 Dhjetor 2024, 08:08
Dritare.net
Cigaret elektronike mund të dëmtojnë arteriet dhe venat, edhe në qoftë se pajisjet janë pa nikotinë.
Një studim i ri i prezantuar në konferencën e Shoqërisë Radiologjike të Amerikës së Veriut në Çikago, tregoi se përdorimi i një cigareje elektronike me ose pa nikotinë ul ngopjen venoze me oksigjen. Do të nevojiten kërkime të mëtejshme për të studiuar efektet e tyre afatgjata. Por shkencëtarët thonë se pirja e shpeshtë e cigares elektronike mund të çojë në sëmundje vaskulare.
Në treg ka shumë cigare elektronike, madje me shije të ndryshme dhe kjo i bën ato shumë të kërkuara nga të rinjtë. Konsumimi i cigares elektronike është kthyer në një trend. Cigaret elektronike nuk lëshojnë tym si cigaret normale, por vetëm një lloj tymi që mezi shihet. Përdorimi i tyre është gjithnjë e më i përhapur tek adoleshentët, duke tejkaluar tashmë konsumimin e duhanit tradicional. Sipas një studimi të kryer nga Universiteti i Glasgow (Mbretëria e Bashkuar) botuar nga OBSH Europe, 32% e popullsisë përdorin cigare elektronike. Në Itali, duhanpirësit e cigares elektronike janë 2.4 për qind e popullsisë, e barabartë me një milion e dyqind mijë njerëz. Por në realitet ka një popullsi të tërë të fshehur adoleshentësh që i shpëtojnë statistikave zyrtare./E.P/dritare.net
