Berisha në protestë: 20 shkurti frymëzim, Rama i ka ditët e numëruara
E Premte 20 Shkurt 2026, 19:07
Dritare.net
Gjatë protestës së zhvilluar përpara Kryeministrisë, lideri i opozitës Sali Berisha u ndal edhe te përvjetori i rrëzimit të bustit të diktatorit Enver Hoxha, një ngjarje që këtë vit shënon 35 vjet. Në fjalën e tij para mbështetësve, ai e cilësoi 20 shkurtin si një moment frymëzues në historinë e lëvizjes demokratike në Shqipëri.
“20 shkurti është dita kur qindra mijëra të rinj nisen drejt sheshi skënderbej të rrethuar nga të katërt anët me autoblindë, mitraloza, snajper në një betejë e cila shënon kulmin e guximit të qytetarëve shqiptarë. Në një betejë paqësore që ka dhëndrit dhe do shndrisë gjithmonë në historinë e revolucionit demokratik, në të cilën përmbysën shtatoren, kultin e Enver Hoxhës, Hitlerit shqiptar të pas luftës, përmbysën regjimin i cili në 46 vite persekutoi, burgosi, ekzekutoi, varfëroi, më shumë shqiptare se çdo pushtues tjetër që ata kishin njohur në tërë historinë e tyre. Ata kurrë s’do ta mendonin se 35 vite me vonë do ndodheshin para një regjimi, shumë të ngjashëm në shumë aspekte, nuk mund të besonin se 35 vite më vonë pushtetet e vendit do ishin në duart e një krimineli. Pushtetet e vendit do ishin në duart e një tradhtari që do nxijë gjithmonë historinë kombëtare për aktet e tij të tradhtisë ndaj kombit dhe vendit. E vërteta është se ne sot nderojmë këtë datë me ndjenjën e mirënjohjes, por edhe me frymëzim më të madh, me zotimin para shqiptarëve se Rama do t’i këtë kohërat e numëruara”, tha Berisha./K.C/dritare.net
