Ambasadorja Kim rikujton vendimin për ish-kryeprokurorin Llalla: Hyrja në SHBA për të, vazhdon të jetë e ndaluar!
E Premte 20 Nëntor 2020, 13:01
Dritare.net
Ish-kryeprokurori, Adriatik Llalla është marrë i pandehur për akuzën e fshehjes së pasurisë dhe deklarimit të rremë kryer tre herë. Llalla do të përballet me drejtësinë, ndërsa Gjykata e Posaçme kundër Krimit dhe Korrupsionit (GJKKO) ka hequr sekuestron preventive vendosur ndaj pasurive të tij.
Ndërkohë përmes një postimi në twitter, ambasadorja amerikane Yuri Kim, risjell në vëmendje vendimin e Departamentit Amerikan te Shtetit, për ish-kryeprokurorin, që e futi në listën e zezë duke i ndaluar hyrjen në SHBA.
"Thjesht një kujtesë që ky emërim mbetet në fuqi", shkruan ambasadorja Kim./L.F-dritare.net
