7x7 =6 mln, Rama ironi për lobimin e PD-së: Paguan që të mbrojnë Shqipërinë nga unë!
E Shtunë 3 Maj 2025, 10:10
Dritare.net
Nga Gjirokastra, ku vijoi me turin e radhës elektoral, kryesocialsiti nuk la pa komentuar kontratën 6 mln dollarë të lobimit në SHBA. Rama ironizoi Sali Berishën duke thënë se tani nga 7x7=42 janë bërë 7x7 =6 mln dollarë. Sa i takon fonacionit MAGA për të cilën PD thotë se janë patriotët shqiptarë që kanë dalë garant për të paguar 6 mln dollarët, Rama me ironi thotë se befasisht “3 patriotë nga e njëjta familje u lindi në zemër të nxjerrin 6 mln që të mbrojnë Shqipërinë nga unë dhe nga ju dhe të tregojnë në Amerikë se sa e bukur është këneta”.
“Aritmetika ka hyrë në një histori të panjohur, 7x7=42 habiteshim dhe qeshnim, po s’kishim parë asgjë, se u bë 7x7 =6 mln, me këtë kontratën e patriotëve, që befasisht 3 patriotë nga e njëjta familje u lindi në zemër të nxjerrin 6 mln që të mbrojnë Shqipërinë nga unë dhe nga ju dhe të tregojnë në Amerikë se sa e bukur është këneta. Është e habitshme se si pastaj, në kënete thuhet ca janë këto 6 mln, këto s’janë asgjë me çfarë ka bërë narko regjimi, çfarë ka bërë Rama me qeverinë, është fundi ky”, tha Rama./E.P-dritare.net
