Kontakto redaksinë English
Na ndiqni edhe në
Na ndiqni në YouTube, në kanalin zyrtar të Dritare TV!

Ngjarjet e Ditës

Mihrije Braha dhe Naim Abazi, çfarë çifti!

E Diel 18 Nëntor 2018, 10:10

Dritare.net

Mihrije Braha dhe Naim Abazi, çfarë çifti!
Çifti i këngëtarëve kosovarë, Mihrije Braha dhe bashkëshorti, Naim Abazi, na treguan edhe njëherë se janë çifti ideal për t’u ndjekur. Një natë  më parë, çifti ishte i ftuar në emisionin “Shiko kush luan”, të moderuar nga Luana Vjollca. Në emision nuk kanë munguar as batuat mes çiftit, por jo vetëm.

Çifti u vu përballë shumë lojërave, mes tyre ishte edhe , “Mos mbaj me hatër” që i vuri përballë zgjedhjeve të vështira. Çifti duhet të zgjidhte një personazh të njohur për t’u martuar. Naimi zgjodhi Mimoza Shkodrën, ndërsa Mihrija, Danin.

Në emision tërhoqi vëmendjen edhe historia që, Mihrija po tregonte, për filmin “Propozimi”. Në këtë film, aktores, Demi Moore iu ofruan 1 milion dollarë për një natë, por në këtë rast protagoniste ishte Mihrija, e cila e kishte refuzuar këtë ofertë. Pasi ajo tregoi këtë, batuta e Naimit shkaktoi shumë të qeshura në studio: “Ja pra me mua ka refuzuar 1 milion dollarë, na humbi edhe lekët ndërsa martohet me Danin për 10 pikë,”,- tha Naimi. Loja me tullumbace, që për shumë personazhe do të dukej e papërshtatshme, ata i bëri edhe më të dashur për publikun. Çifti tregoi edhe njëherë sa të kujdesshëm janë përsa i përket miqve dhe familjes së tyre.

Deri në fund të emisionit, ata na treguan se, besimi, dashuria, mbështetja që i japin njëri-tjetrit, janë shembulli që duhet ndjekur nga të gjithë ne./K.C/dritare.net