I dashuri më flet vetëm për ish-in. Si ta bëj që ta harrojë!
E Hënë 24 Maj 2021, 14:02
Dritare.net
Përshëndetje Dritare.Net. dhe Psikologe Enertila
Unë jam me të dashurin tim për rreth një vit e gjysmë. Para meje, ai ishte në një lidhje afatgjatë. Marrëdhënia e tyre nuk zgjati dhe prishja ishte tepër traumatike për të. Megjithëse i vetëdijshëm ai flet shpesh për lidhjen që ka pasur dhe mua kjo gjë më shqetëson shumë. Si ta trajtoj këtë çështje në një mënyrë që është e drejtë për të dy ne?
Psikologia Enertila Bekteshi përgjigjet
Përshëndetje lexuesja jonë!
Megjithëse i dashuri juaj ruan ende kujtimet e ishit të tij dhe kjo është e dhimbshëm për ju, ky ngërç dhe mënyra se si e trajtoni atë ka potencialin për t’ju ndihmuar të njiheni me njëri-tjetrin në një mënyrë shumë më të thellë. Për t’ia arritur këtë, do të duhet të bëni një lloj bisede, të krijoni një hapësirë në të cilën i dashuri juaj mund të ndihet më komod duke hapur botën e tij të brendshme. Ajo do t’ju ndihmojë të qëndroni në përmbajtjen e bisedës tuaj. Shumë çifte diskutojnë, duke përsëritur të njëjtin argument dhe duke mos arritur askund, pa folur kurrë për atë që po ndodh vërtet.
E vërteta themelore rreth të qenit njeri është se përvojat tona në jetë qëndrojnë me ne dhe formojnë se kush jemi. Të kaluarat tona nuk fshihen me magji kur takojmë një partner të ri ne të gjithë shfaqemi me historitë tona, mënyrat e lidhjes, idetë për veten dhe të tjerët, pasiguritë, dhimbjet dhe humbjet. Është joreale të presësh që një partner i ri të jetë një skemë e pastër, veçanërisht në lidhje me marrëdhëniet domethënëse nga e kaluara. Kjo do të thotë që nëse do të keni një marrëdhënie të fortë me të dashurin tuaj, do të duhet të njiheni me humbjet e tij. Për më tepër, kjo është veçanërisht e rëndësishme , mënyra në të cilën një marrëdhënie përfundon miqësisht, me zemërim, e pazgjidhur ndikon në mënyrën se si do të trishtohet i mbijetuari, ashtu si mënyra në të cilën dikush vdes mund të ndikojë tek të dashurit e tij për vitet që vijnë.
Ndonjëherë partneri i ri ndihet i kërcënuar nga pjesët e së kaluarës, ndërsa personi tjetër ndoshta ka një nevojë të thellë. Ai mund të gjejë që pyetjet tuaja të jenë ndërhyrëse, gjykuese ose kontrolluese. Sfida e këtyre bisedave është se ato kërkojnë që secili prej jush jo vetëm të flasë për gjëra të vështira, por edhe të dëgjojë plotësisht dhe të tolerojë veten e vërtetë të personit tjetër. Kur ta bëni, do të zbuloni se do të ndiheni më pak i lënduar dhe i zemëruar Shpresoj shumë që opinion im të mund tu ndihmojë sadopak.m Ditë të mbarë./dritare.net
