Të dielën zgjedhjet lokale në Kosovë, nis shpërndarja e materialeve zgjedhore
E Shtunë 16 Tetor 2021, 11:11
Dritare.net
Komisioni Qendror i Zgjedhjeve në Kosovë, KQZ ka nisur sot që të shpërndajë materialin zgjedhor përfshirë fletëvotimet, për zgjedhjet lokale që do të mbahen këtë të diel. Qytetarët e Kosovës do të zgjedhin kryetarët e rinj dhe asambletë komunale në 38 komuna. Sipas KQZ-së, numri i qytetarëve me të drejtë vote është 1 milion e 885 mijë e 448 votues. Në këto zgjedhje, qytetarët do të mund të votojnë për kryetarin e komunës dhe një asamblist./M.T/dritare.net
