Foto/ “Hallall seks shop”, dyqani i parë i seksit në Mekë

Marka e njohur e veshjeve erotike dhe lodrave të seksit ‘El Asira’, e cila është themeluar nga Abdelaziz Aouragh me qendër në Amsterdam, shumë shpejt mund të hap filialin e saj edhe në Mekë. Aouragh është shprehur se dyqanet që ndodhen në afërsi të qytetit të shenjtë Islam, vizitohen nga shumë myslimanë dhe kjo e ka bërë atë të mendojë se hapja e një ‘dyqani seksi’ në qytet do të ishte një ide e mirë.

‘The Independent’ shkruan se klerikët myslimanë dhe sheikët sauditë kanë nisur bisedimet për të hapur një dyqan brenda rregullave dhe zakoneve të këtij vendi.

Është menduar që dyqani të emërohet ‘Hallall seks shop” duke marrë parasysh se në këtë rast nuk do të shiten lodra seksi apo veshje të ekzagjeruar të cilat kalojnë në një erotizëm apo pornografi, por veshje të cilat simbolizojnë sensualitetin.

“Qëllimi jonë nuk është të shesim kukulla seksi apo vibratorë. Liritë e grave janë rreptësisht të kufizuara në Arabinë Saudite dhe kodet islame të veshjes janë zbatuar në mënyrë rigoroze, ndaj ne po përpiqemi të përcjellim më shumë admirim dhe dashuri për gratë duke përmirësuar marrëdhëniet martesore me anë të veshjeve sensuale”, është shprehur Aouragh.