Foto/ Elita Rudi harron Bekim Balajn, ja kush është i dashuri i ri!

U folën për një lidhje dashurie që askush prej të dyve nuk e konfirmoi, me gjithë sinjalet e vazhdueshme dhe “rastësitë” në të njëjtat vende dhe të njëjtën kohë. Prezantuesja Elita Rudi, dhe futbollisti i Kombëtares Shqiptare, Bekim Balaj, i kanë dhënë fund lidhjes së tyre, por “plaga e ndarjes” ka kaluar shpejt për bukuroshen e ekranit.

Në fotot e siguruara nga IndeksOnline, moderatorja e njohur duket të jetë në një lidhje të re. Elita shihet në këto foto dorë për dore me reperin Gjiko. Çifti, siç mësohet, janë nisur sot bashkë jashtë Kosovës, meqenëse edhe fotografitë janë shkrepur në aeroport. Destinacioni i ri i Elitës dhe Gjikos nuk dihet akoma, po me siguri “loja” do të fillojë edhe për ta me postimet në rrjetet sociale.