Elbasan, skamja nënshtron 7 anëtarët e familjes Hyka: Po vdesim për të ngrënë, kërkojmë ndihmë
E Mërkurë 20 Dhjetor 2017, 20:08
Dritare.net
7 pjesëtarët e familjes Hyka në fshatin Godolesh në Elbasan po nisin ditën e tyre të zymtë. Jeta është sjellë e pamëshirshme me ata, i ka vrarë. Fshati ndodhet vetëm 5 km larg qytetit. E gjithë ekzistenca e tyre është thjesht vetëm fat. Banesa është gjysmë e shembur dhe çatia e improvizuar nga e keqja gjysmën i ka rrasa e pjesën tjetër tjegulla. Një përpjekje për të mbuluar, shiun, borën, breshërin apo edhe zhegun në vapë. Brenda skamja nuk ka rrëfim. Të dridh mendimi se si njeriu mund të jetojë në këto kushte shkruan shqiptarja.com
Më i moçmi, plaku Xhaferr Hyka është 85 vjeç. Tashmë fuqitë e kanë lënë. Ai është fjalë pakë. Tregon se bashkë me gruan marrin 50 mijë lekë të vjetra pension.
“50 mijë lek marrë skam gjë tjetër më, unë jam 85 vjeç gruaja nuk punon fare. Jemi në gjendje të dobët fare nuk ka kusht të na ndihmojë fare”, shprehet Xhaferr Hyka. Anila Hyka, ka shumë frikë për 3 fëmijët e saj. I tmerrohet faktit se një ditë muret apo çatia mund të shemben dhe pasojat janë të frikshme. Ajo thotë se shiu i bie mbi kokë të fëmijve çdo natë.
“Jetojmë shtatë veta këtu, burri pa punë, s’ka ku të punojë, kam frikë për fëmijët”, thotë Anila Hyka.
I dorëzuar dhe i pashpresë duket edhe Dalip Hyka, që mban peshën e familjes me 7 anëtarë. Tregon se me lekët që marrin nuk i dalin për bukë. Ndërsa për një shtëpi të re ai i lutet zotit të paktën ta shohë në enderr./D.M-Dritare.net
