Dita Ndërkombëtare e Gruas/ Histori, greva dhe festime
E Premte 8 Mars 2019, 08:08
Dritare.net
Dritare.net sjell përgjigjet për të gjitha pikëpyetjet që ju keni në lidhje më këtë ditë që është festuar më shumë se një shekull dhe vazhdon të festohet.
Dita Ndërkombëtare e Gruas u bë një ngjarje vjetore e njohur në vitin 1908, ku 15,000 gra marshuan në qytetin e Nju Jorkut duke kërkuar orë më të shkurtra të punës, paga më të mira dhe të drejtën e votës. Një vit më vonë, Partia Socialiste e Amerikës e deklaroi si Ditën Ndërkomëbtare të Gruas.
Ideja për ta bërë ditë ndërkombëtare erdhi nga Clara Zetkin, e cila e hodhi si ide në konferencën Ndërkombëtare të Grave Punëtore në Kopenhagë. Ajte ndodheshin 100 gra nga 17 vende të ndryshme dhe ranë dakord unanimisht. Ajo u festua në 1911, në Austri, Danimarkë, Gjermani dhe Zvicër duke u përhapur pastaj në të gjithë vendet, informon dritare.net.
Kur është?
Është me 8 mars. Ideja fillestare e Clara Zetkin për një Ditë Ndërkombëtare të Gruas nuk kishte një datë të caktuar dhe nuk u formalizua derisa u zhvillua një grevë lufte nga gratë ruse në vitin 1917 për "bukë dhe paqe". Katër ditë pas grevës, qeveria e përkohshme u dha grave të drejtën për të votuar. Greva u zhvillua më 23 shkurt sipas kalendarit rus të asaj kohe, që me kalendarin evropian ishte data 8 mars.
A ka ditë ndërkombëtare për burrat?
19 nëntori njihet si dita ndërkombëtare e burrave në disa vende të ndyshme të botës, por nuk është me të vërtetë, sepse nuk njihet nga OKB-ja. Objektivat e festës janë "të përqendrojnë vëmendjen në shëndetin e burrave dhe djemve, të përmirësojnë marrëdhëniet gjinore, të promovojnë barazinë gjinore dhe të nxjerrin në pah modelet pozitive të burrave".
Si festohet Dita e Gruas në botë?
Dita Ndërkombëtare e Gruas është një festë kombëtare në shumë vende, përfshirë këtu edhe Rusinë, ku shitja e luleve dyfishohet gjatë tre apo katër ditëve para 8 marsit, ndërsa burrat dhe gratë japin lule për të dashurit e tyre.
Në Kinë, gratë kryejnë me gjysmë orar ditën e punës më 8 mars, siç është përcaktuar nga Këshilli i Shtetit, edhe pse punëdhënësit nuk e respektojnë gjithmonë traditën.
Në Itali, Dita Ndërkombëtare e Gruas ose La Festa della Donna festohet me dhënien e luleve të mimozës. Origjina e kësaj tradite është e paqartë, por besohet të ketë filluar në Romë pas Luftës së Dytë Botërore.
Në SHBA, muaji mars është Muaji Historik i Grave. Një shpallje presidenciale lëshohet çdo vit dhe nderon arritjet e grave amerikane./ E.B- dritare.net
