Dalina Buzi dhe vajzat e Hostel, rrëfehen tek Ermali

E ftuar mbrëmjen e sotme në “Xing me Ermalin” ishte skenaristja e disa spektakleve, Dalina Buzi së bashku me 5 vajzat e “Hostel by Anabel”, një serial i ideuar nga Dalina. “Hostel” nisi në qershor të këtij viti si një serial që trajton tema të ndryshme duke nisur nga ato më të diskutuarat e deri tek ato çështje që njihen si tabu. Në qendër të serialit janë 5 vajza, Dea Mishel, Megi, Viola, Ana dhe Alberta.

Të pesta vajzat ndajnë një kimi të veçantë me njëra-tjetrën që e treguan edhe sot. Një nga momentet kur vajzat u vendosën në siklet ishte pyetja e Kejvinës. “Cila nga ju është më e bukura dhe më e talentuara?”, i pyeti Kejvina vajzat.

“Unë heq dorë sepse mendoj që nuk kam talent”, u përgjigj Megi ndërsa vajzat i kaploi heshtja. “Të them unë një gjë, do them një përgjigje shumë klishe sa për ta hequr qafe këtë moment. Ne jemi njësoj të talentuara përderisa jemi pjesë e këtij program. Nëqoftëse ndonjëra nga ne do largohej, ky program nuk do ishte i njëjtë”, tha Megi dhe vajzat e tjera e përqafuan./Xing.al/