Çfarë fshihet pas shpërthimit në Bejrut? Qytetarët e revoltuar kërkojnë përgjigje nga qeveria
E Enjte 6 Gusht 2020, 09:09
Dritare.net
Njerëzit në Bejrut kanë shprehur zemërim ndaj qeverisë për deklaratat e tyre, se ishte neglizhenca që çoi në shpërthimin e madh të së martës. Presidenti, Michel Aoun tha që shpërthimi ishte shkaktuar nga 2.750 tonë nitrat amoniumi të ruajtur në mënyrë të pasigurt në një depo.
Shumë prej tyre kanë akuzuar autoritetet për korrupsion, neglizhencë dhe keqmenaxhim. Shpërthimi vrau të paktën 137 njerëz dhe plagosi më shumë se 5,000 të tjerë. Tashmë ka nisur dhe gjendja e jashtëzakonshme që do të zgjasë dy javë.
"Bejruti po qan, Bejruti po ulërin, njerëzit janë histerikë dhe të lodhur.", tha regjisori Jude Chehab për BBC, duke bërë thirrje që përgjegjësit të çohen para drejtësisë./K.C/dritare.net
