CNN
Not në zona të mbrojtura nga UNESCO. Dëmtime të vendeve historike. Futja e makinave në shkallët më të famshme në botë dhe goditja e skulpturave të paçmueshme. Dhe pikërisht atëherë kur menduat se më keq se kaq nuk ka, është edhe vandalizimi i një prej monumenteve më ikonë të botës.
Evropa po sheh një shpërthim vizitorësh një vit pas heqjes së kufizimeve të udhëtimeve dhe krahas kësaj incidentet e vizitorëve që sillen keq në Itali nuk tregojnë asnjë shenjë zbutjeje, informon dritare.net.
Këtë javë, një turist i ri u filmua duke gdhendur emrat e tij dhe të dashurës së tij në murin e Koloseut.
“Shpresoj që kushdo që ka kryer këtë akt do të identifikohet dhe sanksionohet sipas ligjeve tona”, shkroi ministri i Kulturës në Itali, në Twitter. Tre ditë më vonë, forcat policore të karabinierëve të Romës njoftuan se kishin identifikuar një të dyshuar, banues në Britani.
Nëse dënohet i dyshuari do të përballet me një gjobë prej të paktën 15,000 € ose deri në pesë vjet burg.
Incidenti ka nxjerrë në pah problemin e sjelljes së turistëve në mënyrë destruktive në Itali, një problem që u duk se doli në pah në verën e vitit 2022, kur një mori incidentesh në mbarë vendin u shfaqën në kryetitujt e lajmeve.
Në qershor të vitit 2022, dy turistë amerikanë shkaktuan dëme në vlerë prej 25,000 dollarësh në Shkallët Spanjolle në Romë.
Ndërkohë në Venecia, turistët notojnë vazhdimisht në kanalet e mbrojtura nga UNESCO.
Me siguri kjo është më e keqja që mund të ndodhë në një sezon?
Jo!
Gjithashtu në gusht 2022, një australian vendosi të ngiste motoçikletën e tij rreth zonës së lashtë romake të Pompeit, ndërsa në tetor, një amerikan theu dy skulptura të çmuara në Muzeun e Vatikanit, me sa duket pasi iu tha se nuk mund të shihte Papën.
Por a është kjo sjellje më e keqe se më keqe se zakonisht, apo thjesht kemi harruar se sa keq sillen njerëzit kur janë me pushime?
Nuk ka dyshim se Italia është e mbushur me sjellje aspak të hijshme. Ajo që është fakt është se ka një bum turistësh në Itali.
Bordi turistik ka njoftuar rritje të konsiderueshme për vitin 2023, duke shtuar se perspektiva afatshkurtër për turizmin ndërkombëtar, veçanërisht në muajt para sezonit të verës, i kalon shumë ato për vitin 2022.
E megjithatë, ndërsa numri i vizitorëve rritet, Italia dhe vendet e saj të trashëgimisë së çmuar, janë më të rrezikuara.
Eike Schmidt, drejtor i Galerisë Uffizi në Firence, muzeu më i vizituar i Italisë në 2021 dhe 2022, tha për CNN verën e kaluar se turistët që sillen keq nuk është asgjë e re.
“Nuk mendoj se është më keq këtë vit, mendoj se u kthyem aty ku e lamë në 2019”.
Megjithatë, kjo është një pasojë që nuk vjen vetëm për shkak të brishtësisë së Italisë, thonë ekspertët italianë. Nuk dëgjuam histori të ngjashme nga Franca, Spanja apo destinacione të tjera të njohura evropiane në vitin 2022, informon dritare.net. Përkundrazi, thonë ata, është mënyra se si të huajt mendojnë për Italinë që po e shtyn sjelljen e tyre të keqe, informon dritare.net.
“Italia shihet dhe gjykohet nga turistët e huaj dhe veçanërisht amerikanët përmes stereotipeve që janë të rrënjosura në filma, veçanërisht “La Dolce Vita” dhe “Pushimet Romake”, dhe përmes imazhit që të huajt kanë krijuar për ne përmes emigracionit italian, thonë ekspertët.
“Ai shihet si një vend pa rregulla dhe ligje, ku gjithçka është art dhe për rrjedhojë asgjë nuk është art. Turistët nuk dinë të lidhen me trashëgiminë artistike, sepse ata nuk kanë asnjë lidhje me historinë tonë ndaj i referohen imagjinatës së tyre kulturore, dhe rrjedhimisht kinemasë sonë. Skena "Dolce Vita" e shatërvanit të Trevit është bërë një model për t'u imituar”.
Maria Pasquale, gazetare dhe autore e "Si të jesh italiane", është dakord.
"Bota është e dashuruar nga Italia dhe stili i jetesës italiane është marka tregtare e vendit," thotë ajo. “Në qasjen e tyre ndaj jetës, italianët kanë diçka të paprekshme. Me të vërtetë ndihet si festa më e bukur, më madhështore e organizuar ndonjëherë ku të gjithë duan të hyjnë, por ftesat janë të kufizuara. Sepse të jesh italian është një ndjenjë, është e vështirë të shprehesh vërtet. Dhe të jesh pjesë e asaj feste do të thotë të vlerësosh që kjo ndjenjë është e frymëzuar nga kaq shumë gjëra: pamjet mahnitëse, tingujt, shijet, aromat, të gjitha këto. Italia si ide, si imazh është emocionuese, dinamike, joshëse dhe dehëse. Ajo u ofron të huajve një arratisje; ofron liri.
Shumë turistë më kanë thënë ndër vite: Në Itali nuk ka rregulla. Por ata e kanë gabim. Sigurisht që ka rregulla, por siç mund t'ju thotë dikush që jeton këtu dhe që përjeton luftën e përditshme të paqëndrueshmërisë burokratike, ekonomike dhe institucionale: mjerisht shpesh nuk ka pasoja për ata që nuk zbatojnë rregullat”.
Megjithatë, e ardhmja mund të duket pak më e ndritshme, informon dritare.net. Në prill 2023, qeveria paraqiti një projekt-ligj që, nëse shndërrohet në ligj, do të parashikonte dënime të ndryshme duke përfshirë burg për njerëzit që dëmtojnë veprat e artit dhe peizazhet, si dhe monumentet./L.F-dritare.net
