Thethi në terr: Jemi të harruar nga shteti
E Premte 1 Dhjetor 2017, 18:06
Dritare.net
Sipas tij, prej disa orësh tashmë, ata gjenden pa energji elektrike, ndërkohë që ujërat vazhdojnë të shtohen, si pasojë e reshjeve të shumta të shiut. Përveç Thethit, edhe zona e Dukagjinit është në errësirë të plotë. Dëmtime të lehta ka pasur edhe në shumë prej banesave të banorëve.
“Situata në Theth është alarmante, ne jemi totalisht të bllokuar. Ndërkohë shteti nuk është bërë aspak i gjallë, me asnjë lloj mundësie. Në jemi në terr dhe të harruar,”- ngre shqetësimin për Dritare.net, Nardi.
https://www.youtube.com/watch?v=o6dZGUNBL3w&feature=youtu.be
Ndërkohë, disa prej banorëve të Thethit, janë duke punuar për të hapur kanale uji, në mënyrë që të evitojnë më tepër përmbytjet. Por, siç Nardi thotë për Dritare.net, situata e vështirë, i ka penguar.
https://www.youtube.com/watch?v=5ZTT1OuL2H4&feature=youtu.be
Në videot e sjella për Dritare.net, duket gjendja alarmante e cila ka përfshirë këtë zonë në veri të vendit. Rrugët kanë pësuar dëmtime të shumta, ndërkohë faqet e malit janë mbushur me të paktën 40 ujëvara.
Përveç reshjeve të shumta dhe erërave të forta, në Qaf Thorë, kanë nisur edhe reshjet e dëborës, duke arritur në të paktën 20 cm, në pak orë./
/Dritare.net
