Sot shpallen fituesit në universitete. Nis publikimi i listave
E Hënë 5 Shtator 2016, 16:04
Dritare.net
“Duke qenë se konkurrojnë në shumë degë, vetëm brenda grupit të konkurrentëve në Fakultetin e Ekonomisë, në qoftë se ata që janë fitues do të regjistrohen të gjithë, mbeten 352 kuota të paplotësuara, sepse janë shpallur fitues njëkohësisht në 3 apo 4 degë. Pra, të gjithë ata që e shohin veten pas listës të jenë në pritje me optimizëm, sepse do të bëhen së shpejti kandidatë, e nga kandidatë në studentë të Fakultetit të Ekonomisë”, u shpreh Dhori Kule, dekan.
Dekani i Fakultetit Ekonomik iu kërkon studentëve fitues të nisin procedurat e regjistrimit, duke paraqitur dokumentet origjinale pranë Sekretarive të Departamenteve.
“Në procesin e regjistrimit, që t’u heq edhe ndonjë merak që mund ta kenë me të drejtë maturantët dhe familjet e tyre, do të bëhet njëkohësisht edhe kontrolli i asaj që është bërë ‘online’. Do të kemi dëftesat origjinale të maturantëve, do t’u bëhet rivlerësimi i mesatares dhe i gjithë treguesve të bëra ‘online’ në mënyrë manuale”, theksoi më tej Dhori Kule.
Listat me emrat e studentëve fitues janë shpallur “online”, por edhe fizikisht pranë fakulteteve, ndërkohë që do të paraqiten edhe pranë Agjencisë Kombëtare të Provimeve.
