Në kërkim nga policia, Fjolla Morina poston foto nga Dubai!
E Diel 14 Mars 2021, 17:05
Dritare.net
Fjolla Morina, këngëtarja nga Kosova e shpallur në kërkim nga policia, ndodhet në Dubai. Para disa javësh ajo u arratis ndërsa ishte në arrest shtëpie, në një banesë me qira në Kukës.
Mirëpo ndërsa policia vijon kërkimet, këngëtarja po shijon disa ditë në Dubai. Ajo ndodhet së bashku me partnerin e saj Fisnik Sula.
Në janar gjatë kontrollit të ushtruar nga policia Morina nuk është gjetur në banesë. Kështu asaj i është shtuar edhe një tjetër akuzë për veprën penale “Largimi i të burgosurit nga vendi i qëndrimit”. Gjykata e Kukësit vendosi në shtator të vitit të shkuar masën e sigurisë, "arrest shtëpie" për këngëtaren 34-vjeçare, e cila është kapur me pistoletë në kufirin e Morinës.
Në dëshminë e saj në polici, këngëtarja tha se e kishte harruar te çanta dhe nuk e dinte që e kishte me vete./L.F-dritare.net
