Meghan Markle: Çfarë më ndodhi pas lindjes së fëmijëve!
E Martë 8 Prill 2025, 17:05
Dritare.net
Meghan, Dukesha e Sussex-it, ka zbuluar se ajo pësoi një gjendje mjekësore "të rrallë dhe të frikshme" pasi lindi një nga fëmijët e saj.
Në podkastin e saj të ri, “Rrëfimet e një themelueseje”, Meghan tha se ishte diagnostikuar me preeklampsi pas lindjes, të cilën ajo e përshkroi si një "frikë të madhe mjekësore".
Ajo tha se duhej t'ia dilte pa e ditur bota se çfarë po kalonte dhe duke u përpjekur të shfaqet para njerëzve.
"Ti përpiqesh t’i kalosh të gjitha këto gjera në heshtje, ndërsa bota nuk e di se çfarë po ndodh me ty. Për mua kjo ishte një çështje jetë a vdekje, me të vërtetë.”, tha Meghan.
Preeklampsia prek disa gra gjatë shtatzënisë ose menjëherë pas lindjes, me shenja të hershme duke përfshirë presionin e lartë të gjakut, sipas NHS të Mbretërisë së Bashkuar.
Duka dhe Dukesha e Sussex kanë dy fëmijë, Archie, pesë vjeç dhe Lilibet, tre./K.C/dritare.net
