Plani i Trump/ Dritan Goxhaj: Thjesht një letër pa vlerë! Rusia sot më e fortë se kurrë!
E Mërkurë 26 Nëntor 2025, 20:08
Dritare.net
Në një analizë të thelluar për situatën gjeopolitike dhe ushtarake në Ukrainë, eksperti ushtarak Dritan Goxhaj i ftuar në Shqip nga Dritan Hila në DritareTV ka hedhur dritë mbi zhvillimet më të fundit në terren, duke analizuar gjithashtu implikimet e planeve të paqes të përfolura nga administrata e re e mundshme e Donald Trump. Sipas Goxhajt, plani i shumëpërfolur i paqes i Trump nuk është gjë tjetër veçse një memorandum mirëkuptimi pa vlerë juridike detyruese, i ngjashëm me dështimet e marrëveshjeve të Minskut.
Ai argumenton se pikat e këtij plani, si njohja e sovranitetit të Ukrainës ndërkohë që Rusia mban territoret, janë kontradiktore dhe praktikisht të pazbatueshme. Goxhaj thekson se Rusia nuk ka asnjë interes të ndalojë operacionet tani, duke qenë se po zbaton një strategji të suksesshme të 'bluarjes' së forcave ukrainase përmes avantazhit në artileri dhe aviacion. Një nga pikat më interesante të analizës ishte situata në terren.
Goxhaj shpjegoi se si Rusia po përdor taktikat sovjetike të rrethimit, por me një modifikim: lënien e një 'shtegu' për tërheqje, duke i kthyer këto korridore në zona vdekjeje për trupat ukrainase që tentojnë të largohen. Ai gjithashtu hodhi poshtë mitin e stagnacionit ekonomik rus, duke cituar rritjen e GDP-së dhe prodhimit ushtarak, ndërkohë që Ukraina po përballet me një krizë të thellë demografike dhe rekrutimi./K.C/dritare.net
