Peter Prifti i bëri intervistën më të rrallë Fan Nolit
E Shtunë 27 Dhjetor 2025, 22:10
Dritare.net
Nga intervista e realizuar në Shqip nga Rudina Xhunga në Dritare TV me Julika Priftin rezulton se albanologu Peter Prifti ka zhvilluar një nga intervistat më të rëndësishme dhe më pak të njohura me Fan Noli, gjatë kohës kur punonte pranë Federatës “Vatra” në Shtetet e Bashkuara.
Intervista është realizuar në SHBA dhe përmban dëshmi të drejtpërdrejta të Fan Nolit mbi jetën, veprimtarinë dhe bindjet e tij, përfshirë vlerësimin që ai vetë i bënte punës së tij më të rëndësishme. Sipas familjarëve të Priftit, kjo intervistë konsiderohet ndër më të sinqertat dhe më të plota që Noli ka dhënë ndonjëherë, pasi ai flet pa filtra dhe pa qëllime publike.
Materiali është ruajtur në arkivin personal të Peter Priftit dhe më pas është dorëzuar Akademisë së Shkencave dhe Bibliotekës Kombëtare, por nuk ka qenë i aksesueshëm për publikun e gjerë për shumë vite.
Intervista e Peter Priftit me Fan Nolin mbetet një dokument i rrallë historik, që dëshmon marrëdhënien e drejtpërdrejtë mes dy figurave kyçe të diasporës shqiptare dhe rëndësinë e rolit të Priftit në dokumentimin e mendimit të Nolit./dritare.net
